+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Fýtboldan Eýropa chempıonaty: Belgııa Reseıdi oısyrata jeńdi

2021 jylǵy 13 maýsym 02:56
Bólisińiz:
Fýtboldan Eýropa chempıonaty: Belgııa Reseıdi oısyrata jeńdi

NUR-SULTAN. QazAqparat - Búgin fýtboldan 2020 jylǵy Eýropa chempıonatynyń fınaldyq kezeńindegi ekinshi oıyn kúnin Reseı jáne Belgııa quramalary túıindedi, dep habarlaıdy QazAqparat tilshisi.

Uqsas jańalyqtar
Voleıboldan Qazaqstan áıelder quramasy álem chempıonatyna qatysady Tennıs: ıÝlııa Pýtıntseva Ostrava týrnırin jeńispen bastady Astana Open: Dmıtrıı Popko ótken jylǵy chempıonǵa jol berdi

Atalǵan match Reseıdiń Sankt-Peterbýrg qalasynda ótti.

Oıyn barysynda qos quramanyń alma-kezek shabýyly kózge tústi. Dese de belgııalyq quramanyń basymdyǵy ańǵarylyp turdy.

Belgııalyq qurama sapynan Romelý Lýkaký 10-mınýtta esep ashsa, 34-mınýtta Toma Mene esepti ústemeleı tústi.

Ekinshi kezeńde reseılik fýtbolshylar alǵa qaraı umtyldy. Oǵan belgııalyqtar óz deńgeıinde qarsylyq kórsetti. Keıbir sátterde olar da basymdyǵyn arttyrdy. Romelo Lýkaký 88-mınýtta taǵy bir márte mergendik tanytyp, kezdesýdiń núktesin qoıdy. Osylaısha Belgııa qarsylasynan 3:0 esebimen basym tústi.

Eske salsaq, eki qurama V tobynda synǵa túsedi. Atalǵan topta Fınlıandııa Danııadan 1:0 esebimen basym túskenin buǵan deıin jazǵan bolatynbyz.

Bul toptaǵy kelesi kezdesý 16 jáne 17 maýsym kúnderi ótkiziledi. Aldymen 16 maýsymda Fınlıandııa men Reseı jasyl alańǵa shyqsa, 17 maýsymda Danııa men Belgııa kúsh baıqasady.

Bıylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady. Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda bolady. Bul Eýropa chempıonatynyń 60 jyldyq mereıtoıyna oraı uıymdastyrylǵan.

Fýtboldan Eýropa chempıonaty 11 maýsymda bastaldy, 11 shildede máresine jetedi.


Bizdiń kanalymyzǵa jazylyńyz:

#Sport   #Qoǵam  
Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT