Fýtboldan el birinshiliginde Tobyl Turanmen teń tústi
2022 jylǵy 2 shilde 00:19

Fýtboldan el birinshiliginde Tobyl Turanmen teń tústi

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 16-týrynda Qostanaıdyń «Tobyly» Túrkistanda «Turanmen» teń tústi, dep habarlaıdy QazAqparat tilshisi.

Oıyn barysynda qos komanda jeńiske jetý jolyn izdedi. Týrnır kestesinde kósh basynda kele jatqan «Tobyl» jyldam gol soǵý múmkindigin qarastyrdy. Oǵan alań ıeleri laıyqty qarsylyq kórsetti. Birinshi kezeńde tablodaǵy esep ózgergen joq.

Ekinshi kezeńniń 60-mınýtynda túrkistandyq klýbtan Shoqan Abzalov esep ashsa, 83-mınýtta Chıdı Osýchýkvý esepti ulǵaıta tústi. Osydan keıin 86-mınýtta Sergeı Malyı bir golmen qaıyrsa, 98-mınýtta Dýshan Iovanchıch penaltıden tarazy basyn teńestirdi.

Endi 2 shildede «Shahter» men «Aqtóbe», «Atyraý» men «Taraz», 3 shildede «Astana» men «Maqtaaral», «Qaırat» pen «Aqjaıyq», «Aqsý» men «Qyzyljar» komandalary jasyl alańǵa shyǵady.

Al 4 shildede «Ordabasy» men «Kaspıı» komandalary kezdesedi .


Uqsas jańalyqtar
Seriktester jańalyqtary

Jańalyqtar

Úrdis

MURAǴAT