Fýtboldan el birinshiliginde «Ordabasy» «Kaspııdi» iri eseppen jeńdi
2022 jylǵy 4 shilde 22:23

Fýtboldan el birinshiliginde «Ordabasy» «Kaspııdi» iri eseppen jeńdi

NUR-SULTAN. QazAqparat - Fýtboldan premer-lıga komandalary arasyndaǵy el birinshiliginiń 16-týry máresine jetti, dep habarlaıdy QazAqparat tilshisi.

Atalǵan týrdy Shymkentte jergilikti «Ordabasy» men Aqtaýdyń «Kaspıı» komandalary túıindedi.

Oıyn barysynda alań ıeleri qatarynan Vsevolod Sadovskoı 20, Elhan Astanov 31, Mýrodjon Halmatov 80, 87-mınýttarda mergendik tanytty. Oǵan «Kaspıı» sapynan 77-mınýtta Rýan Telesh penaltıden soǵylǵan bir golmen jaýap berdi.

Osylaısha, «Ordabasy» qarsylasynan 4:1 esebimen basym túsip, týrnır kestesinde ekinshi orynǵa kóterildi.

Almatyda «Qaırat» Oraldyń «Aqjaıyǵynan» 2:0 esebimen basym tússe, taǵy bir kezdesýde Pavlodar oblysynyń «Aqsýy» Petropavldyń «Qyzyljaryn» 1:0 esebimen súrindirdi.

Aıta ketsek, Qostanaıdyń «Tobyly» Túrkistanda «Turanmen» 2:2, «Atyraý» men «Taraz» 0:0 esebimen teń tústi.

Al, «Aqtóbe» syrt alańda Qaraǵandynyń «Shahterin» 3:2, elordalyq «Astana» óz alańynda Túrkistan oblysynyń «Maqtaaralyn» 4:0 esebimen jeńdi .


Uqsas jańalyqtar
Seriktester jańalyqtary

Jańalyqtar

Úrdis

MURAǴAT