Fýtboldan el birinshiliginde «Astana» oısyraı jeńildi
2022 jylǵy 26 maýsym 23:32

Fýtboldan el birinshiliginde «Astana» oısyraı jeńildi

NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiliginiń on besinshi týry máresine jetti, dep habarlaıdy QazAqparat tilshisi.

Atalǵan týrdaǵy basty oıyn «Aqtóbe» men elordalyq «Astana» arasynda ótti.

Kezdesý barysynda aqtóbelik fýtbolshylar jınaqy qımyl kórsetti. Nátıjesinde 18-mınýtta Vıdemont Ýgo esep ashsa, Shına 33-mınýtta basymdyqty arttyra tústi.

Oǵan elordalyq klýbtan Aslan Darabaev 43-mınýtta bir golmen jaýap qaıyrdy. Oıynnyń 73-mınýtynda aqtóbelik klýbtan Álibek Qasym penaltıdi múltiksiz oryndasa. Maksım Samorodov 95-mınýtta qorytyndy esepti belgiledi.

Osylaısha «Astana» qarsylasyna 1:4 esebimen ese jiberdi.

Qatarynan úsh ret jeńiske jetken «Aqtóbe» týrnır kestesinde úshinshi orynǵa kóterildi. Al «Astana» jeńilgenine qaramastan birinshi oryndy saqtap qaldy.

Sondaı-aq atalǵan týrda óz alańynda Petropavldyń «Qyzyljary» qostanaılyq «Tobyldan» 1:3, aqtaýlyq «Kaspıı» Túrkistannyń «Turanyna» 0:2 esebimen jol berdi.

Al «Taraz» ben almatylyq «Qaırat», Túrkistan obysynyń «Maqtaraly» men «Atyraý» 1:1 esebine qanaǵat bildirdi.

Atalǵan týrda 25 maýsymda óz alańynda «Aqjaıyq» «Ordabasydan» 0:1 esebimen jeńilse, «Aqsý» men «Shahter» 1:1 esebimen teń tústi.


Uqsas jańalyqtar

Jańalyqtar

Úrdis

MURAǴAT