Fýtboldan el birinshiliginde «Astana» kósh basyna shyqty
2022 jylǵy 4 shilde 01:10

Fýtboldan el birinshiliginde «Astana» kósh basyna shyqty

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 16-týrynyń úshinshi oıyn kúni ótti, dep habarlaıdy QazAqparat tilshisi.

Bul kúni elordalyq «Astana» óz alańynda Túrkistan oblysynyń «Maqtaaral» komandasyn qabyldady. «Astana» koomandasynan Marın Tomasov 61, 74, 75-mınýttarda het-trık avtory atansa, 89-mınýtta Sultan Saǵynaev oıynnyń núktesin qoıdy. Osylaısha elordalyq klýb qarsylasyn 4:0 esebimen tize búktirdi.

Nátıjesinde «Astana» qaıtadan týrnır kestesinde kósh basyna kóterildi.

Almatyda «Qaırat» Oraldyń «Aqjaıyǵynan» 2:0 esebimen basym tússe, taǵy bir kezdesýde Pavlodar oblysynyń «Aqsýy» Petropavldyń «Qyzyljaryn» 1:0 esebimen súrindirdi.

Aıta ketsek, Qostanaıdyń «Tobyly» Túrkistanda «Turanmen» 2:2 , «Atyraý» men «Taraz» 0:0 esebimen teń tústi.

Al «Aqtóbe» syrt alańda Qaraǵandynyń «Shahterin» 3:2 esebimen jeńdi.

Endi 4 shildede «Ordabasy» men «Kaspıı» komandalary kezdesedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT