Fýtboldan el birinshiligi: «Ordabasy» syrt alańda jeńiske jetti
2022 jylǵy 26 maýsym 00:11

Fýtboldan el birinshiligi: «Ordabasy» syrt alańda jeńiske jetti

NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiliginiń on besinshi týrynda eki oıyn ótkizildi, dep habarlaıdy QazAqparat tilshisi.

Oralda jergilikti «Aqjaıyq» pen Shymkenttiń «Ordabasy» komandalary kezdesti. Oıyn taǵdyryn 77-mınýtta shymkenttik Odılbek Abdýmajıtov soqqan jalǵyz gol sheshti. Nátıjesinde shymkenttikter 1:0 esebimen jeńiske jetip, týrnır kestesindegi jaǵdaıyn jaqsartyp aldy.

Al Pavlodarda «Aqsý» men qaraǵandylyq «Shahter» 1:1 esebimen teń tarqasty. Oıyn barysynda alań ıelerinen Erkebulan Tuńǵyshbaev 26-mınýtta esep ashsa, 56-mınýtta qaraǵandylyq shabýylshy Roman Mýrtzazaev tarazy basyn teńestirdi.

Atalǵan týrdaǵy qalǵan oıyndar 26 maýsymda ótkiziledi. Bul kúni 17:00-de «Qyzyljar» (Petropavl) men «Tobyl» (Qostanaı), 19:00-de «Kaspıı» (Aqtaý) men «Turan» (Túrkistan), «Taraz» ben «Qaırat» (Almaty) oınaıdy.

Oıyndardy 21:00-de «Aqtóbe» men «Astana» (Nur-Sultan), «Maqtaral» (Túrkistan oblysy) men «Atyraý» komandalary túıindeıdi.


Uqsas jańalyqtar
Búgin fýtboldan UEFA Sýperkýbogy ótedi
2022 jylǵy 10 tamyz 15:01

Búgin fýtboldan UEFA Sýperkýbogy ótedi

NUR-SULTAN. QazAqparat - Fýtboldan UEFA Sýperkýbogynda Ispanııanyń «Real Madrıd» jáne Germanııanyń «Aıntraht» komandasy kezdesedi, dep habarlaıdy QazAqparat tilshisi.

Oıyn 10-nan 11 tamyzǵa qaraǵan kúni elorda ýaqytymen 01.00-de Fınlıandııa astanasy Helsınkı qalasyndaǵy «Olımpııskıı» stadıonynda ótkiziledi. Kezdesý «Qazsport» telearnasynan tikeleı efırde kórsetiledi.

Byltyr «Real Madrıd» La lıgada chempıon atandy. Odan keıin UEFA Chempıondar lıgasy fınalynda Anglııanyń «Lıverpýl» komandasyn (1:0) súrindirdi.

Al «Aıntraht» býndeslıgada nebári 11-orynda turaqtady. Al Eýropa lıgasy fınalynda Shotlandııanyń «Reındjers» (1:1, 5:4, penaltıden) komandasynan basym tústi.

UEFA Sýperkýbogynyń bastaý alǵanyna bıyl týra jarty ǵasyr tolyp otyr. Qazirge deıin «Real Madrıd» atalǵan týrnırde jeti márte baq synady. Onyń 4-inde jeńimpaz atansa, 3-inde qarsylasyna ese jiberdi. Al «Aıntraht» atalǵan týrnırge tuńǵysh márte qatyspaqshy.

Eske salsaq, budan buryn fýtboldan Qazaqstan kýbogynda «Tobyl» shırek fınaldan shet qaldy.



Semeıde «Elim-aı» fýtbol klýby qaıta quryldy
2022 jylǵy 8 tamyz 22:02

Semeıde «Elim-aı» fýtbol klýby qaıta quryldy

SEMEI. QazAqparat – Semeı qalasynda «Elim-aı» fýtbol klýby qaıta quryldy, dep habarlaıdy QazAqparat tilshisi.

Klýbtyń qaıta qurylýyna baılanysty ótken sharaǵa aty ańyzǵa aınalǵan fýtbolshylar Samat Smaqov pen Andreı Karpovıch, «Elim-aı» qoǵamdyq qorynyń atqarýshy dırektory Tóleýhan Kúldikov pen fýtbol jankúıerleri qatysty.

- Semeı - qazaqstandyq fýtboldyń otany. Bizdiń «Elimaıdy» árıne qoldaımyz. Fýtbol klýby - úsh dúrkin chempıon atanǵan jáne bul komandany bári jaqsy kóredi. Osy stadıonnyń jankúıerlerdi únemi kóp jınaǵanyn qalaımyn. Bizdiń josparymyzda stadıondy jóndeý de bar. Buqaralyq sportty damytý úshin arnaıy alańdar quratyn bolamyz, - dedi oblys ákimi Nurlan Uranhaev.

«Elim-aı» qoǵamdyq qoryna kez kelgen jankúıer kire alady. Bul turǵyndardyń jergilikti fýtbol komandasyn qurý men damytýǵa belsene qatysa alady degen sóz.

Sonymen qatar shara barysynda ashyq mıkrofon rejıminde Abaı óńirinde fýtboldy odan ári damytý máseleleri talqylandy.


Fýtboldan Qazaqstan kýbogynda «Tobyl» shırek fınaldan shet qaldy
2022 jylǵy 7 tamyz 23:31

Fýtboldan Qazaqstan kýbogynda «Tobyl» shırek fınaldan shet qaldy

NUR-SULTAN. QazAqparat - Fýtboldan Qazaqstan kýbogynyń toptyq kezeńi besinshi týry máresine jetti, dep habarlaıdy QazAqparat tilshisi.

Atalǵan týrdyń úshinshi oıyn kúninde tórt kezdesý ótkizildi.

A tobynda Almatynyń «Qaıraty» búgin syrt alańda Shymkenttiń «Ordabasy» klýbynan 3:1 esebimen basym tússe, «Aqsý» (Pavlodar oblysy) men «Atyraý» 0:0 esebine qanaǵat bildirdi

Bul topta ekinshi joldamadan «Ordabasy» men «Atyraý» úmitker bolyp otyr.

V tobynda Petropavlda jergilikti «Qyzyljar» Aqtaýdyń «Kaspıı» komandasyna 1:3 esebimen jol berse, «Qaısar» (Qyzylorda) men «Aqjaıyq» (Oral) komandalary 2:2 esebimen teń tústi.

Atalǵan toptan jarysty jalǵastyrýǵa «Qaısar», «Aqjaıyq» jáne «Kaspıı» komandalarynyń múmkindigi bar. Shırek fınalǵa beriletin eki joldama ıegeri altynshy týrda anyqtalady.

S tobynda shırek fınalda «Taraz» jáne «Maqtaral» (Túrkistan oblysy) komandalary synǵa túsedi. Búgin «Taraz» syrt alańda Qostanaıdyń «Tobylyn» 5:3 esebimen tize búktirse, 6 tamyzda «Maqtaral» syrt alańda «Aqtóbege» 0:1 esebimen ese jiberdi.

Al odan keıin D tobynda «Astana» (Nur-Sultan) men «Jetisý» (Taldyqorǵan) komandalary 2:2 esebimen teń tústi. Elordalyq fýtbolshylar óz tobynda ekinshi orynǵa taban tirep, shırek fınalǵa shyqty.

Sondaı-aq atalǵan topta 10 upaımen birinshi orynda turǵan Qaraǵandynyń «Shahteri» jarystyń kelesi satysynda joldama aldy.

Altynshy týr oıyndary 13 jáne 14 tamyz kúnderi ótedi.


Jańalyqtar

Úrdis

MURAǴAT