+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Fýtboldan Chempıondar lıgasy: «Bavarııa» óz alańynda jeńilip qaldy

2021 jylǵy 8 sáýir 09:22
Bólisińiz:
Fýtboldan Chempıondar lıgasy: «Bavarııa» óz alańynda jeńilip qaldy

NUR-SULTAN. QazAqparat - UEFA Chempıondar lıgasy 1/4 fınalynda 7 sáýirde eki oıyn ótkizildi, dep habarlaıdy QazAqparat tilshisi.

Alǵashqy jupta «Portý» (Portýgalııa) men «Chelsı» (Anglııa) komandalary kezdesti. Bul oıynda aǵylshyndar 2:0 esebimen jeńiske jetti. Olardyń qatarynan Meıson Maýnt 32, Bendjamın Chılýell 85-mınýtta mergendik tanytty.

Taǵy bir oıynda «Bavarııa» (Germanııa) men «Parı Sen-Jermen» (Frantsııa) komandalary sheberlik baıqasty. Kezdesý barysynda qos komanda bes gol soqty.

Aldymen «Parı Sen-Jermen» sapynan Kılıan Mbappe 3, Markınos 28-mınýttarda mergendik tanytty. Oǵan «Bavarııa» qatarynan Erık Shýpo-Motıng 37, Tomas Mıýller 60-mınýttarda qos golmen jaýap qaıyrdy. Oıyn núktesin 68-mınýtta Kılıan Mbappe qoıyp, kezdesýdegi eki goldyń avtory atandy. Osylaısha nemis klýby óz alańynda qarsylasyna 2:3 esebimen ese jiberdi.

Endi qarymta oıyndar 13 sáýirde ótkiziledi.

Aıta keteıik, budan buryn shırek fınalda taǵy eki oıyn ótkizildi. Ispanııanyń «Real Madrıd» klýby «Lıverpýldi» 3:1, Anglııanyń «Manchester Sıtı» klýby Germanııanyń «Borýssııa Dortmýnd» komandasyn 2:1 esebimen tize búktirdi.

Fınal 29 mamyrda Túrkııanyń Ystanbul qalasyndaǵy «Atatúrik» olımpıadalyq stadıonynda ótedi.



Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT