+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Fýtboldan Chempıondar lıgasy: «Astana» qarsylasyn jeńdi

2019 jylǵy 9 shilde 21:00
Bólisińiz:
Fýtboldan Chempıondar lıgasy: «Astana» qarsylasyn jeńdi

NUR-SULTAN. QazAqparat - Búgin fýtboldan ÝEFA Chempıondar lıgasy birinshi kezeńi bastaldy. Sporttyq dodada elordalyq «Astana» óz alańynda Rýmynııanyń ChFR komandasyn qabyldady, dep habarlaıdy QazAqparat tilshisi.

Aıta ketelik, «Astana» aıtýly alamanda bıyl besinshi jyl qatarynan baq synap otyr. Budan burynǵy jyldarda bir márte ÝEFA Chempıondar lıgasynyń toptyq kezeńinde S tobynda synǵa tústi. Qalǵan jyldarda atalmysh týrnırdiń úshinshi jáne pleı-off kezeńderinde súrinip, nátıjesinde ÝEFA Eýropa lıgasy toptyq kezeńinde oınady.

ChFR komandasy da osal qarsylas emes. Sońǵy jyldarda eýrokýbok oıyndarynda jıi boı kórsetip keledi. Atalmysh klýb Klýj-Napoka qalasynyń namysyn qorǵaıdy. 1907 jyly qurylǵan komanda ǵasyrlyq tarıhynda tolaıym tabysymen maqtana almaıdy. Rýmynııanyń birinshi lıgasynda búgingi kúnge deıin bar-joǵy 13 márte baq synaǵan olar sońǵy jyldarda júldegerler qatarynan turaqty túrde kórinip keledi. Búgingi kúnge deıin bes márte chempıondyq ataqqa qol jetkizdi.

«Astananyń» bas bapkeri Roman Grıgorchýk birinshi mınýttan negizgi quramda Nenad Erıch, Antonıo Rýkavına, Lýka Shımýnovıch, Evgenıı Postnıkov, Abzal Beısebekov, Ivan Maevskıı, ıÝrıı Logvınenko, Rýnar Mar Sıgýronsson, Dorın Rotarıý, Roman Mýrtazaev jáne Marın Tomasov sekildi shákirtterine senim bildirdi. Al ChFR quramynda jasyl alańǵa Gedrıýs Arlaýskıs, Kamora, Paýlo Vınısıýs, Andreı Býrke, Mıhaı Bordeıaný, Mateo Sýshıch, Hýan Kýlıo, Ovıdıý Hoban, Chıprıan Dıak, Konstantın Peýn jáne Bılel Omranı shyqty.

Búgingi kezdesýge qos komanda da tas-túıin daıyndyqpen shyqqan sekildi. Buryn bir-birimen sheberlik baıqasyp kórmegen ekeýi urymtal sátterdi kútip júrdi. «Astana» oıyn tizginin qolǵa ustaýǵa tyrysty. Shabýyl shebinde kóbirek boı kórsetti.

Dese de alǵashqy mınýttarda ChFR komandasynyń oıynshylary bizdiń qaqpa mańyn jıi torýyldady. Birinshi kezeńniń ekinshi mınýtynda rýmyndar bizdiń qaqpaǵa alǵashqy soqqysyn jasady. Ol qaqpadan bıik ketti. Al 11-mınýtta ChFR sapynan Hýan Kýlıo aıyp dobyn oryndaǵan edi. Onyń tepken doby da dittegen maqsatyna jete alǵan joq. Oıynnyń 15-mınýtynda «Astana» qaýipti sátter uıymdastyrdy. Al 30-mınýttarda bizdiń jigitter qarsylastar qaqpasy mańynda jyldam qımyldap, rýmyndyq qorǵaýshylarǵa biraz jumys taýyp berdi. Birinshi kezeń 0:0 esebimen aıaqtaldy.

Ekinshi kezeńde de oıyn tartysty órbidi. Rýmyn komandasynan Konstantın Peýn aıyp dobyn oryndaǵan edi. Onyń tepken doby qaqpadan bıik ushty. Al 57 mınýtta «Astana» oıynshysy Dorın Rotarıý rýmyn qaqpashysynyń sheberligin tekserip kórdi. Oıynnyń 65-mınýtynan bastap bizdiń jigitter birshama basym oınady. Nátıjesinde 68-mınýtta qarsylastar qaqpasyna gol soǵyldy. Oń qanattan berilgen buryshtama dobyn «Astana» qorǵaýshysy Evgenıı Postınnıkov qaqpaǵa soǵyp ketti. Al 80-mınýtta ChFR fýtbolshysy Bılel Omranı ashyq turǵan qaqpaǵa gol soǵa alǵan joq. Osylaısha «Astana» qarsylasynan 1:0 esebimen basym tústi.

Endi qarymta oıyn 17 shildede Rýmynııada ótkiziledi. Jarystyń kelesi satysyna qaı komanda shyǵatyny sodan keıin anyqtalady.

Sondaı-aq, 10 jáne 11 shilde kúnderi ÝEFA Eýropa lıgasy birinshi irikteý kezeńiniń oıyndary bastalady. Qostanaıdyń «Tobyly» 10 shildede syrt alańda Lıýksembýrgtiń «Jeness Esh» klýbymen kezdesedi. Al 11 shildede Shymkenttiń «Ordabasysy» Grýzııanyń «Torpedo» (Kýtaısı) klýbyn qabyldasa, Almatynyń «Qaıraty» syrt alańda Bosnııa jáne Gertsogovınanyń «Shırokı Brıeg» klýbymen sheberlik baıqasady.



Foto: vk.com/astanafootballclub

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT