Jańalyqtar  >
  Sport

Fýtboldan álem chempıonatynda Brazılııa jeńisti jolyn jalǵastyra ma

2022 jylǵy 28 qarasha, 08:56
Fýtboldan álem chempıonatynda Brazılııa jeńisti jolyn jalǵastyra ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda 28 qarashada G tobynda ekinshi týr oıyndary ótedi, dep habarlaıdy QazAqparat tilshisi.

Bul toptaǵy Kamerýn jáne Serbııa kezdesýi elorda ýaqytymen 16:00-de «Qazsport» telearnasynan tikeleı efırde kórsetiledi.

Kezdesý El-Vakra qalasyndaǵy 44325 jankúıerge arnalǵan «El-Djanýb» stadıonynda ótkiziledi.

Kezdesýde Birikken Arab Ámirliginen kelgen Mohammed Abdýlla Hasan Mohammed bas tóreshi qyzmetin atqarady.

Oǵan otandastary Mohamed Ahmed ıÝsýf Al-Hammadı men Hassan Mohammed Hassan Ab Sýkatarı Al-Mahrı kómekshilik jasaıdy. Qosalqy tóreshi - Ma Nın.

2010 jyly ótken joldastyq kezdesýde Serbııa atalǵan qarsylasynan 4:3 esebimen basym tústi. Ázirge eki qurama arasynda budan basqa oıyn bolǵan emes.

Atalǵan toptaǵy Brazılııa men Shveıtsarııa kezdesýi elorda ýaqytymen 22:00-de «Qazaqstan» men «Qazsport» telearnalarynan tikeleı efırde kórsetiledi.

Kezdesý el astanasy Doha qalasyndaǵy 44 089 jankúıerge arnalǵan «Stedıým 974» stadıonynda ótkiziledi.

Kezdesýde bas tóreshi - salvadorlyq Ivan Barton. Oǵan otandasy Davıd Moran Santos pen sýrınamdyq Zaharı Zegelar kómekshilik jasaıdy. Qosalqy tóreshi - Saıd Martınes.

2013 jyly ótken joldastyq kezdesýde brazılııalyq fýtbolshylar 1:0 esebimen basym tússe, 2018 jyly álem chempıonaty fınaldyq satysynyń toptyq kezeńinde quramalar 1:1 esebine qanaǵat bildirdi.

Eske salsaq, 27 qarashada E tobynda Japonııa Kosta-Rıkaǵa 0:1 esebimen jol berdi.

Al F tobynda Belgııa quramasy Marokkoǵa 0:2, Kanada quramasy Horvatııaǵa 1:4 esebimen jeńilip qaldy.


Foto: Getty Images


Uqsas jańalyqtar
Seriktester jańalyqtary

Jańalyqtar