Jańalyqtar  >
  Sport

Fýtboldan ÁCh: Frantsııa shabýylshysy Kılıan Mbappe Týnıspen oıynǵa qatyspaýy múmkin

2022 jylǵy 30 qarasha, 17:48
Fýtboldan ÁCh: Frantsııa shabýylshysy Kılıan Mbappe Týnıspen oıynǵa qatyspaýy múmkin

ASTANA. QazAqparat – Qatarda ótip jatqan álem chempıonatynda Frantsııa quramasynyń shabýylshysy Kılıan Mbappe úshinshi týrda Týnıspen oıynǵa qatyspaýy múmkin, dep habarlaıdy QazAqparat tilshisi.

«Chempıonat» saıtynan málim etkenindeı, Mbappeniń tobyǵynan alǵan jaraqaty 29 qarasha kúngi jattyǵýda asqyna túsken.

Sol sebepti Frantsııa quramasynyń bas bapkeri Dıde Desham Mbappeniń 1/8 fınalda ótetin matchqa deıin tolyq qalpyna kelýi úshin oǵan demalys berýi yqtımal.

Álem chempıondary D tobynda Aýstralııany 4:1, Danııany 2:1 esebimen utyp, pleı-off kezeńinen merziminen buryn joldama aldy. Bul kezdesýlerde K.Mbappe úsh goldyń avtory atandy.

Týnıs – Frantsııa matchy elorda ýaqytymen 21.00-de bastalyp, «Qazaqstan» telearnasynan tikeleı efırde kórsetiledi. Frantsýzdarǵa óz tobynda birinshi oryn alý úshin teń oıyn jetkilikti.

Eske sala keteıik, budan buryn Portýgalııanyń Frantsııa men Brazılııadan keıin pleı-off kezeńine shyqqanyn jazǵan bolatynbyz.

Sondaı-aq Iran-AQSh matchy nesimen álem nazaryn aýdaryp otyr.

Ekvadordy joldan taıdyrǵan Senegal pleı-ofqa shyqty.

Nıderland quramasynyń shabýylshysy óz eliniń rekordyn ornatty.

Irandy jeńgen AQSh pleı-ofqa joldama aldy.

Krıshtıaný Ronaldý saýdııalyq «Al-Nasr» klýbyna aýysýy múmkin.


Seriktester jańalyqtary

Jańalyqtar