+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Fýtbol: «Qaısardyń» quramyna portýgaldyq oıynshy qosyldy

2019 jylǵy 21 aqpan 03:00
Bólisińiz:
Fýtbol: «Qaısardyń» quramyna portýgaldyq oıynshy qosyldy

QYZYLORDA. QazAqparat - Qyzylordanyń «Qaısary» quramyna portýgaldyq Karlos Mıgel qosyldy, dep habarlaıdy QazAqparat tilshisi.

Karlos Mıgel 1993 jyldyń 9 naýryzynda Portýgalııanyń Almada qalasynda dúnıege kelgen. Portýgaldyq jartylaı qorǵaýshy jankúıerler arasynda Karlıtos laqap esimimen de belgili. Ol 2003-2007 jyldarda sol eldiń astanasy - Lıssabon qalasynyń «Benfıka», 2007-2012 jyldarda «Eshtorıl» komandalarynyń jasóspirimder jáne jastar quramynda oıyn kórsetti. Kásibı fýtboldaǵy alǵashqy qadamyn 2012 jyly sol eldiń tómengi lıgasynda oınaıtyn «Sıntrense» klýbynda bastaǵan. Al odan keıin Kıprde 2013-2016 jyldarda «Doksa», 2014-2015 jyldarda AEL, 2016 jyly APOEL, 2016-2018 jyldarda «Anortısıs» komandalarynda oınady, Al 2018 jyldan Polshanyń Vısla (Plotsk) klýbynyń namysyn qorǵady. Karlos Mıgel (Karlıtos) óziniń fýtbolshylyq mansabynda 176 oıynda 20 gol salǵan.

«Qaısar» oqý-jattyǵý jıyndary barysynda jartylaı qorǵaýshy Marat Haırýllın, qorǵaýshy Ivan Sadovnıchıı kelisim-shartqa otyrdy. Sondaı-aq, byltyrǵy jyly oıyn kórsetken 15 fýtbolshymen kelisimshart merzimin uzartty. Odan keıin komanda quramyna horvatııalyq qorǵaýshy Marın Orshýlıch qosyldy. Arýba quramasynyń jartylaı qorǵaýshysy Djon Djoshýa bıyl «Qaısar» quramyn tolyqtyrdy. Al 22 qańtarda «Qaısar» kongolyq Kýle Mbombomen, 24 qańtarda armenııalyq Tıgran Barsegıanmen kelisimshartqa otyrdy.

«Qaısar» Túrkııadaǵy oqý-jattyǵý barysynda birneshe joldastyq kezdesý ótkizdi. Olar 18 aqpanda Grýzııanyń «Sabýrtalo» komandasymen teń túsken edi.

Endi «Qaısar» 21 aqpanda oqý-jattyǵý jıynynda Túrikmenstannyń «Altyn asyr» komandasymen sheberlik baıqasady. Al odan keıin elge oralady.

Bizdiń kanalymyzǵa jazylyńyz:

Basty sózder: Qyzylorda oblysy, Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT