+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

Fýtbol: «Qaısar» Grýzııa chempıonymen teń tústi

2019 jylǵy 20 aqpan 01:54
Bólisińiz:
Fýtbol: «Qaısar» Grýzııa chempıonymen teń tústi

QYZYLORDA. QazAqparat - Qyzylordanyń «Qaısary» Túrkııadaǵy oqý-jattyǵý jıyny barysynda Grýzııanyń «Sabýrtalo» komandasymen kezdesti, dep habarlaıdy QazAqparat tilshisi.

«Sabýrtalo» klýbynyń qurylǵanyna bıyl jıyrma jyl tolady. Uzaq jyldar boıy sol el birinshiliginiń tómengi lıgasynda oıyn kórsetip keldi. Sońǵy alty jylda birinshi jáne joǵary lıgasynda baq synap júr. Byltyr el chempıony ataǵyn jeńip aldy.

Búginde komanda quramynda negizinen jergilikti jastar oıyn kórsetedi. Dese de olar ózderimen kezdesken árbir komandaǵa laıyqty deńgeıde qarsylyq kórsete alady.

Kezdesýde «Qaısar» oıyn tizginin óz qolyna alýǵa tyrysty. Oǵan Grýzııa chempıony tegeýrindi qarsylyǵyn bildirdi. Birinshi kezeńde eki komanda da bir-biriniń qaqpasyna gol soǵa alǵan joq.

Ekinshi kezeńde qos komanda qarsylasty qapy qaldyratyn múmkindikterdi qarastyrdy. Mundaı belsendilik «Qaısar» tarapynan jıi baıqaldy. Sonyń saldarynan 49-mınýtta «Sabýrtalo» oıynshylary óz aıyp alańynda dóreki qımylymen kózge tústi. Tóreshi olardyń qaqpasyna 11 metrlik aıyp dobyn belgiledi. Atalmysh penaltıdi qyzylordalyq fýtbolshy Ashat Taǵybergen múlt jibergen joq. Komanda bul esepti oıyn sońyna deıin ustap tura alǵan joq. Kezdesýdiń 64-mınýtynda Vladımır Dvalıshvılı tarazy basyn teńestirip ketti. Oıyn 1:1 esebimen teń aıaqtaldy.

Eske sala ketelik, búgin túske deıin qyzylordalyq klýb Bolgarııanyń «Tsarsko Selo» komandasyna ese jibergen edi. Odan buryn Ýkraınanyń «Desna» jáne Reseıdiń «Krylıa Sovetov», grýzııalyq VIT-«Djordjııa» komandasynan jeńilip qalǵan edi.

Endi «Qaısardyń» oqý-jattyǵý jıynynda bir oıyny qaldy. Ony 21 aqpanda Túrkimenstannyń «Altyn asyr» komandasyna qarsy ótkizedi.

Bizdiń kanalymyzǵa jazylyńyz:

Basty sózder: Qyzylorda oblysy, Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT