Fýtbol: Qaraǵandynyń «Shahter» komandasyna bas bapker taǵaıyndaldy
ASTANA. QazAqparat - Qazaqstandyq Igor Soloshenko fýtboldan Qaraǵandynyń «Shahter» komandasynyń bas bapkeri qyzmetine taǵaıyndaldy, dep habarlaıdy QazAqparat tilshisi.
I. Soloshenko 1979 jyly 22 mamyrda Qaraǵany qalasynda dúnıege kelgen. Jergilikti fýtbol mektebiniń túlegi. Fýtbolshy retinde «Shahter», «Jeńis», «Aıat», «Tobyl», «Aqjaıyq», «Ertis» jáne «Oqjetpes» komandalary sapynda oıyn kórsetken. Qazaqstan ulttyq quramasy sapynda 11 kezdesýge qatysty.
«Shahter» komandasymen 2012 jyly Qazaqstan chempıony atanyp, 2007, 2009 jyldarda qola júldeger boldy. Sondaı-aq, «Jeńis» quramynda Qazaqstan Kýbogyn jeńip alsa, «Tobyl» sapynda chempıonattyń kúmis júldesin ıelengen.
Oıynshy mansabyn aıaqtaǵan soń Igor «Shahter» fýtbol ortalyǵynda bapker retinde qyzmet atqardy. Negizgi komandanyń fızıkalyq daıyndyǵyna jaýapty maman, sport dırektory boldy.
Sońǵy úsh maýsymda «Shahter-Bolat» komandasynyń bas bapkeri bolyp eńbek etti.
Buǵan deıin «Shahterdiń» bas bapkeri qyzmetin Vahıd masýdov atqarǵan edi.
Eske salsaq, budan buryn «Qaısar» komandasyna jańa bas bapker taǵaıyndaldy.
Foto: shakhter.kz
