+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Fýtbol: Chempıondar lıgasy qaıta jalǵasady

2020 jylǵy 7 tamyz 15:02
Bólisińiz:
Fýtbol: Chempıondar lıgasy qaıta jalǵasady

NUR-SULTAN. QazAqparat - Búgin UEFA Chempıondar lıgasy qaıta jalǵasady, dep habarlaıdy QazAqparat tilshisi.

Uqsas jańalyqtar
Búgin Aqtóbede aýa lastanady Tennıs: Býblık Gambýrg týrnıriniń jartylaı fınalyna shyǵa almady Elordada «Densaýlyq - zor baılyq» marafony bastaldy

Esterińizge sala ketelik, dop dodasy 11 naýryzdan keıin koronavırýs indetine baılanysty keıinge shegerildi. Týrnırdiń 1/8 fınalyndaǵy tórt oıyn bolyp, qalǵan tórteýi ótkizilmeı qalǵan bolatyn.

Búgin «Manchester Sıtı» (Anglııa) jáne «Real Madrıd» (Ispanııa) klýbtary kezdesedi. Alǵashqy oıynda aǵylshyndyq klýb 2:1 esebimen jeńiske jetti. Sondyqtan ıspandyq komanda jeńiske jetý jolynda baryn salatyny anyq. Oıyn «Qazaqstan» telearnasynan elorda ýaqytymen 00.50-de tikeleı efırde kórsetiledi.

Taǵy bir kezdesý «ıÝventýs» (Italııa) pen «Lıon» (Frantsııa) komandalary arasynda bolady. Bul juptaǵy alǵashqy oıynda frantsýz fýtbolshylary 1:0 esebimen basym túsken edi. Jalǵyz gol ázirge jarysty jalǵastyratyn jeńimpazdy tolyqtaı anyqtaı qoıǵan joq. Jankúıerler tartysty oıyn kútedi. Kezdesý «Qazsport» telearnasynan elorda ýaqytymen 00.50-de tikeleı efırde bastalady.

Týrnırdiń atalǵan satysyndaǵy taǵy eki oıyn 8 tamyzda ótkiziledi. Erteń «Barselona» (Ispanııa) men «Napolı» (Italııa), «Bavarııa» (Germanııa) men «Chelsı» (Anglııa) komandalary kezdesedi.

Qazir shırek fınalǵa shyqqan tórt komanda belgili. Olardyń qatarynda «Leıptsıg» (Germanııa), «Atletıko Madrıd» (Ispanııa), «Atalanta» (Italııa) jáne «Parı Sen-Jermen» komandalary bar.

Chempıondar lıgasynyń qalǵan bóligi Portýgalııa astanasy - Lıssabon qalasynda ótedi. Ol segizdik fınaly formatynda bolady. Oıyndar 10-23 tamyz aralyǵynda ótkiziledi.

Esterińizge sala ketelik, 5-6 tamyzda Eýropa lıgasy 1/8 fınalynyń oıyndary ótti. Shırek fınalǵa shyqqan 8 komanda anyqtaldy.


Bizdiń kanalymyzǵa jazylyńyz:

#Sport   #Qoǵam  
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT