Fýtbol: «Astana» úzdik úshtikten kóriný múmkindigin saqtap qaldy

NUR-SULTAN. QazAqparat - Elordalyq «Astana» fýtboldan Premer-lıga komandalary arasyndaǵy el birinshiliginde úzdik úshtikten kóriný múmkindigin tolyq saqtap qaldy, dep habarlaıdy QazAqparat tilshisi.

Búgin elimizde ótip jatqan 20-týr aıasynda «Astana» Taldyqorǵannyń «Jetisý» komandasymen kezdesti. Oıyn barysynda 4-mınýtta taldyqorǵandyq Andreı Zaleskıı esep ashty. Elordalyq klýb sapynan Marın Tomasov – 61, Pıeros Sotırıý 82-mınýttarda qos golmen jaýap qaıyrdy.

Osylaısha, «Astana» qarsylasyn 2:1 esebimen jeńip, úzdik úshtikte bolý múmkindigin tolyq saqtap qaldy.

Qazir týrnır kestesinde «Tobyl» jáne «Astana» komandalary ekinshi oryn úshin talasyp otyr. Birinshilik aıaqtalǵanda olardyń biri – ekinshi, kelesisi úshinshi oryn alady. Óıtkeni, odan keıingi oryndaǵy komandalar úshtikten kóriný yqtımaldyǵynan aıyrylyp qaldy.

Dál qazir atalǵan týrda birinshi kezeńnen keıin Qaraǵandynyń «Shahteri» Aqtaýdyń «Kaspııin» 3:0 esebimen jeńip jatsa, Qyzylordanyń «Qaısary» men Petropavldyń «Qyzyljary» 1:1 esebimen teń túsip jatyr.

Búgin atalǵan týrda Qostanaıdyń «Tobyly» men Jambyl oblysynyń «Taraz» komandalary arasyndaǵy kezdesý elorda ýaqytymen 18.00-de bastalady.

Atalǵan týrdaǵy «Qaırat» pen «Oqjetpes» komandasy aldyn- ala 11 naýryzda kezdesip, almatylyqtar 5:0 esebimen basym tústi.