+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Fitch Ratings Almatyǵa nesıelik reıtıngin berdi

2019 jylǵy 17 qyrkúıek 11:29
Bólisińiz:
Fitch Ratings Almatyǵa nesıelik reıtıngin berdi

ALMATY. QazAqparat – Almaty Qazaqstannyń táýelsiz reıtıngi deńgeıinde «BBB» halyqaralyq nesıelik reıtıngine ıe boldy. Ony álemniń úsh iri halyqaralyq reıtıng agenttikteriniń biri – Fitch Ratings usyndy, dep habarlaıdy QazAqparat tilshisi qala ákimdigine silteme jasap.

Sońǵy bes jylda Almaty qalasynyń ekonomıkasyna, bıýdjetine jáne nesıelik profıline júrgizilgen taldaý nátıjeleri boıynsha, Fitch Ratings megapolıske «BBB» (ınvestıtsııalyq deńgeı) deńgeıinde shetel jáne ulttyq valıýtada emıtent defoltynyń (IDR) uzaqmerzimdi reıtıngin jáne «BBB+» deńgeıinde avtonomdy nesıelik profılin (SCP) berdi.

Fitch Ratings standarttaryna sáıkes, «BBB» emıtenttiń jaqsy nesıelik sapasyn kórsetedi jáne nesıelik táýekelder boıynsha aǵymdyq boljamdardyń tómendigin kórsetedi.

Atalǵan nesıelik reıtıng Almatynyń qalanyń ambıtsıozdy ınfraqurylymdyq baǵdarlamasyn jeke qarjylandyrýdyń uzaqmerzimdi quraldaryn anyqtaý jónindegi kúsh-jigerin rastaý bolyp tabylady. Muny Eýropa jáne Ortalyq Azııa (ECA Cities) qalalarynyń baǵdarlamasy sheńberinde Halyqaralyq qarjy korporatsııasy (IFC) da qoldaıdy.

Baǵdarlama qoǵamdyq kólik, sýmen jabdyqtaý, sý burý, qaldyqtardy basqarý, energııa tıimdiligi jáne «aqyldy» qalalyq tehnologııalardy qosa alǵanda, ekologııalyq taza jáne ornyqty mýnıtsıpaldyq ınfraqurylym kómegimen túıindi qyzmetter kórsetýdi jaqsartýǵa baǵyttalǵan.

Almatynyń nesıelik reıtıngi halyqaralyq ınvestıtsııalyq qaýymdastyqtyń nazaryn aýdarý úshin Fitch Ratings baǵalaıtyn jetekshi álemdik kapıtaldar reıtınginiń tizimine qosylady.

«Joǵary nesıelik reıtıng Almaty qalasynda jaıly ınvestıtsııalyq ahýal týǵyzyp, bıznes-bastamalarǵa arnalǵan barynsha perspektıvaly ınvestıtsııalyq alań bolyp qala beredi. Biz nesıelik reıtıngti aǵymdaǵy «BBB+»- en álemniń jetekshi qarjy uıymdarymen uzaqmerzimdi zaemdar jasaı otyryp, odan da joǵary ınvestıtsııalyq deńgeıge deıin kóterýdi jalǵastyratynymyzdy aıta ketý kerek», - deıdi Almaty qalasy ákiminiń orynbasary Іlııas Óserov.

IFC jáne Almaty qalasynyń ákimdigi 2019 jyldyń aqpan aıynda Strategııalyq áriptestik týraly kelisimge qol qoıdy. IFC uzaqmerzimdi kapıtalǵa qol jetkizýde jáne ınfraqurylymǵa ınvestıtsııalardy tartýǵa ákimdikke qoldaý kórsetedi.


Bizdiń kanalymyzǵa jazylyńyz:

Basty sózder: Almaty, Ekonomıka, Aımaq,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT