+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Farıza Ońǵarsynovanyń uly: Anamnyń mýzeıin ashýdy armandaımyn

2019 jylǵy 15 qarasha 18:18
Bólisińiz:
Farıza Ońǵarsynovanyń uly: Anamnyń mýzeıin ashýdy armandaımyn

NUR-SULTAN. QazAqparat – QR Ulttyq akademııalyq kitaphanasynda kórnekti aqyn Farıza Ońǵarsynovanyń qaıta basylyp shyqqan «Shilde» jáne «Poldnevnyı Jar» kitaptary tanystyryldy, dep habarlaıdy QazAqparat tilshisi.

Uqsas jańalyqtar

Kitapty orys tiline aqyn, ádebıettanýshy, aýdarmashy Tatıana Frolovskaıa aýdarǵan.

«Anam týyndylaryn tek qazaq tilinde jazdy. Elordaǵa alǵash ret kóship kelgen aqyndardyń biri boldy. Qaıtys bolǵansha qalalyq onomastıkalyq komıssııa quramynda boldy. Shyǵarmalaryn orys tiline aýdarýdy qasynda júrgen Tatıana Frolovskaıaǵa senip tapsyrdy. Ana tilinen ózge tilge aýdarǵanda, óleńniń jany joǵalyp ketýi múmkin ǵoı. Sondyqtan, anam aýdarmaǵa jaýapkerishlikpen qarady. Tatıana Frolovskaıa ekeýi 6 jyl eńbektendi. Ókinishtisi, anammen qatar júrgen, birge júrgen T. Frolovskaıa ótken aptada dúnıe saldy», - dedi aqynnyń uly Almas Ońǵarsynov kitaptyń tusaýkeserinde.

Onyń aıtýynsha, «Shilde» jáne «Poldnevnyı jar» kitaptary 5 myń danadan qaıta basylyp shyqty. Kitaptar respýblıka aýmaqtaryna, mektepterge, kitaphanalarǵa taratylady.

«Anamyzdyń eńbegin umyttyrmaıyq dep, jyl saıyn sharalar uıymdastyramyz. Anam ashqan «Tumar» jýrnaly eki aıda bir ret shyǵyp turady. Eń mańyzdysy – bizdiń balalary retinde estelikke ne qaldyramyz degen oı qaldyrady. Kókeıimde júrgen arman – Nur-Sultan qalasynda anamnyń mýzeıin ashý. Bul jumysty eki jyl buryn bastap kettim. Onyń ishin qalaı toltyramyz degen oı týyndaıdy. Anamnyń shyǵarmashylyq keshterinde kıgen kıimderin, qoljazbalaryn, paıdalanǵan buıymdaryn, qalamdaryn, mashınkasyn, dombyrasy men tósek-ornyna deıin saqtap qoıdym. Dinmuhammed Qonaevtyń mýzeıinen bastap, Ázerbaıjanǵa, Reseıge baryp, belgili adamdardyń mýzeıi qandaı bolýy kerek dep oılandym. Jaǵdaıym, shamam kelse, osy murajaıdy ashamyz degen oıdamyn», - dedi Almas Ońǵarsynov.

Aıta keteıik, bıyl Farıza Ońǵarsynovanyń týǵanyna 80 jyl tolady. Búgin elordada EKSPO mańyndaǵy kóshelerdiń birine Farıza Ońǵarsynova esimi berildi.

Sondaı-aq, keshki 19:00-de Jastar teatry sahnasynda «Farıza» spektakli qoıylady.

Bizdiń kanalymyzǵa jazylyńyz:

Basty sózder: Nur-Sultan, Mádenıet,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT