+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Ejelgi qorym aýmaǵynda «depýtattyq qalashyqtyń salynýyna» qatysty túsinik berildi

2020 jylǵy 24 qazan 14:10
Bólisińiz:
Ejelgi qorym aýmaǵynda «depýtattyq qalashyqtyń salynýyna» qatysty túsinik berildi

KÓKShETAÝ. QazAqparat – Aqmola oblysynyń Býrabaı aýdanyndaǵy Beǵazy-Dándibaı mádenıetiniń ejelgi qorymy aýmaǵynda «depýtattyq qalashyq salynyp jatqanyna» qatysty túsinik berildi, dep habarlaıdy QazAqparat tilshisi.

«Býrabaı aýdany Sarybulaq aýyly (burynǵy Vorobevka) mańyndaǵy Beǵazy-Dándibaı mádenıetiniń ejelgi qorymdarynyń qıraýy faktileri boıynsha oqıǵa ornyna baryp tekseris júrgiziledi.

Ortalyq tarapynan atalǵan aýmaqta tarıhı-mádenı mura obektileriniń bar nemese joq ekendigi týraly anyqtama berilgen joq.

QR Jer týraly kodeksiniń 127-baby 1-bóligine sáıkes, tarıhı-mádenı mura obektileri, onyń ishinde tarıh jáne mádenıet eskertkishteri ornalasqan jer ýchaskeleri tarıhı-mádenı maqsattaǵy jerler dep tanylady», - dedi Aqmola oblysy Mádenıet, arhıvter jáne qujattamalar basqarmasy janyndaǵy Tarıhı-mádenı murany qorǵaý jáne paıdalaný ortalyǵynyń basshysy Serik Ysqaqov QazAqparat tilshisiniń saýalyna.

Ortalyq basshysy atap ótkendeı, aýmaqtardy ıgerý kezinde jer ýchaskeleri bólip berilgenge deıin Qazaqstan Respýblıkasynyń zańnamasyna sáıkes tarıhı-mádenı mura obektilerin anyqtaý boıynsha arheologııalyq jumystar júrgizilýge tıis.

«Tarıhı, ǵylymı, kórkemdik jáne ózge de mádenı qundylyǵy bar obektiler tabylǵan jaǵdaıda, jer paıdalanýshylar odan ári jumys júrgizýdi toqtata turyp, bul týraly tarıhı-mádenı mura obektilerin qorǵaý jáne paıdalaný jónindegi ýákiletti organǵa habarlaýǵa mindetti. Tarıhı-mádenı mura obektileriniń saqtalyp turýyna qater tóndirýi múmkin jumystardyń barlyq túrlerin júrgizýge tyıym salynady», - dep tolyqtyrdy Serik Ysqaqov.

Sonymen qatar, ol Býrabaı aýdandyq ákimdigine osy ejelgi qorym aýmaǵynan qurylys jumystary úshin jer telimi qandaı ruqsat qujattary arqyly bólingenin anyqtaý úshin resmı hat joldanǵandyǵyn atap ótti.

Aıta keteıik, áleýmettik jelide Aqmola oblysynyń Vorobevka aýyly (qazirgi Sarybulaq aýyly) mańyndaǵy Beǵazy-Dándibaı mádenıetiniń ejelgi qorymdarynyń aýmaǵynda «depýtattarǵa arnalǵan kottedj qalashyǵy» salynyp jatyr degen aqparat taraǵan bolatyn. Onda jazba avtory inisiniń osy jobada jumys istegendegi, beıitter qıratylyp, olardyń ornyna kottedjder salynyp, qıraǵan qorǵandardan saıajaılarǵa baratyn joldyń negizi salynyp jatqandyǵyn jazǵan bolatyn. Sonymen birge, ol osy jerden tabylǵan kóne qylyshtyń sýretin de jarııalady. Atalmysh qylyshty inisi ózimen birge ala ketken.

Qazirgi kezde Aqmola oblysy Mádenıet, arhıvter jáne qujattamalar basqarmasy janyndaǵy Tarıhı-mádenı murany qorǵaý jáne paıdalaný ortalyǵynyń basshylyǵy atalmysh qylyshty óńir murajaıyna qaıtarý máselesin qarastyryp jatyr.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT