+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Evgenıı Lazarchýk: Ekologııaǵa qamqorlyqty bala kezden qalyptastyrý kerek

2020 jylǵy 11 shilde 11:24
Bólisińiz:
Evgenıı Lazarchýk: Ekologııaǵa qamqorlyqty bala kezden qalyptastyrý kerek

NUR-SULTAN. QazAqparat - «Aktobe, dyshı!» eriktiler qozǵalysynyń uıymdastyrýshysy, eko-ambassador Evgenıı Lazarchýk 10 shilde kúni Úkimettiń keńeıtilgen otyrysynda Prezıdent aıtqan mektepterde ekologııalyq bilim berý qajettigin qoldady, dep habarlaıdy QazAqparat.

Uqsas jańalyqtar
Atyraý munaı óńdeý zaýytyna jospardan tys tekserý júrgiziledi Qazaqstanda aýany lastaýshy negizgi faktorlar - kúkirtsýtek, shań jáne qara kúıe Pavlodar oblysynda aqbókender sany 8 myńnan asty

Ol óziniń atalǵan qozǵalysy Aqtóbedegi mektepterde sabaqtar ótkizip júrgenin mysal retinde keltirdi.

«Biz balalarmen birge emen kóshetin otyrǵyzyp, olarǵa aǵashtyń paıdasy, aýa sapasy, olarsyz jer shólge aınalyp, ylǵal joǵalatynyn aıtyp júrmiz. Balalarǵa bul óte qyzyq, olar qalada aǵashtardy jıirek kórgisi keletinderin aıtty. Sondyqtan, balalarǵa bala kezinen qoqys jınaý daǵdylaryn qalyptastyryp, olarǵa ekologııa máselelerin aıtyp júrý kerek. Máselen, ıtbalyqtar balyq aýlaıtyn torǵa qalaı oralyp qalatyny, qustar plastıkti jutyp, ólip qalatyny. Mundaı mysaldar kóp qoı. Olarǵa kózben kórsetý kerek. Eger bala osyny bir-eki ret kórse, ol qaǵazdy eshqashan jerge tastamaıtyn bolady. Qazir balalarǵa osyndaı sabaqtar ótkizetin eriktiler uıymdary paıda boldy. Mysaly, Temirtaýda oqýshylarǵa arnap bos bótelkeler tastaıtyn arnaıy jáshikter qoıylyp jatyr, ıaǵnı osy arqyly qoqysty jeke jınaýǵa úıretedi. Biz ekologııa departamentimen birge qaldyqtar tastalatyn jerlerdi aralaımyz, biraq barlyǵyn qoqys jınaýǵa tartý kerek», - dedi Evgenıı Lazarchýk.

Ol osy máseleni sheshý úshin mynadaı sharalardy usyndy.

«Meniń oıymsha, tabıǵatty qorǵaý polıtsııasyna kóp qyzmetkerlerdi tartyp, ákimshilik aıyppuldardy qataıtý kerek, ruqsat etilmegen jerge qoqys tastaǵany úshin jaýapkershilikke kóbirek tartyp, qatty turmystyq qaldyqtardy turaqty shyǵarýdy jolǵa qoıý qajet. Aqtóbede bul burynnan kele jatqan másele. Qoqys polıgonyndaǵy máseleler óte kóp, plastıkterdi qaıta óńdeýdiń ornyna kómip tastaıdy. Bizde plastıkterdi de, shynylardy da qaıta óńdeıtin zaýyttar joq. Mysaly, Eýropada adamdar aqshaǵa bótelke, paketterdi ótkizip, taýarlarǵa jeńildik alady. Olar osy arqyly ekologııany jaqsartýǵa kómektesip jatqanyn túsinedi. Batysta qaıtalama shıkizet qabyldaıtyn arnaıy avtomattar bar. Álemde mundaı ınnovatsııalar óte kóp, osylardy bizdiń elge de engizý kerek. Elimizdegi ekologııalyq jaǵdaı máz emes. Biz qazir respýblıkada 10 jylǵa elde aǵash kesýge moratorıı engizý týraly petıtsııa jınap jatyrmyz. Sebebi, jaǵdaı óte qıyn. Bir jarym aptanyń ishinde petıtsııaǵa 5,5 myń adam qol qoıdy. Bastamamyzdy jalǵastyryp, Prezıdentten aǵash kesýdi toqtatýdy ótinemiz, óıtkeni elde shóleıttený júrip jatyr. Biz ylǵaldy joǵaltamyz, sonyń saldarynan ózender qurǵap, aýadaǵy otteginiń mólsheri azaıyp, shań aralas daýyldar bolyp jatyr. Munyń bári aǵashtardyń bolmaýynan», - dep atap ótti eko-belsendi.


Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT