+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Eýroparlamentte «Jýsan» gýmanıtarlyq operatsııasy talqylandy

2020 jylǵy 5 aqpan 01:11
Bólisińiz:
Eýroparlamentte «Jýsan» gýmanıtarlyq operatsııasy talqylandy

BRıÝSSELЬ. QazAqparat - Qazaqstan óz azamattaryn Taıaý Shyǵystaǵy áskerı qaqtyǵystar aımaǵynan elge qaıtarý jáne olardy qoǵamǵa qaıta beıimdeý tájirıbesimen bólisti, dep habarlaıdy «QazAqparat» HAA menshikti tilshisi.

Seısenbi kúni Eýropa Parlamentinde «Qazaqstan tájirıbesi: Sırııadaǵy sodyrlardyń otbasylaryn elge qaıtarý» atty taqyrypta konferentsııa ótip, onda elimizdiń sarapshylary «Jýsan» gýmanıtarlyq operatsııasy týraly baıandady.

Frantsııa eýroparlamentiniń ókili Terrı Marıanıdiń qoldaýymen uıymdastyrylǵan sharaǵa Eýropa Parlamentiniń ókilderi, sarapshylar, Eýrokomıssııa qyzmetkerleri, dıplomatııalyq korpýs pen úkimettik emes uıymdardyń jáne jýrnalıster qaýymdastyǵynyń ókilderi qatysty.

Sırııadaǵy terrorızmmen kúrestegi basty nátıje osy elge shet memleketterden barǵan sodyrlardyń óz elderine qaıtarylýy bolyp tabylady.

«Magrıb túrmelerinde (Mysyrdan batysqa qaraı ornalasqan Soltústik Afrıkadaǵy memleket) bizdiń kóptegen azamattarymyz jatyr. Biz Qazaqstannyń repatrıatsııa baǵytyndaǵy tájirıbesin úırensek dep edik»,-dedi Terrı Marıanı.

Eýropa Parlamentiniń depýtaty bul elde óz otandastaryn Sırııa men Iraktan qaıtarý isine degen kózqarastary basqasha ekenin aıtty.

«Bul máselege qatysty Eýropanyń ár memleketiniń óz kózqarasy bar»,-deıdi ol.

«Frantsııa da bul problemaǵa asa saqtyqpen qaraıdy. Eýroodaqtyń kóptegen memleketteri balalardy eseptemegende óz azamattaryn elge qaıtarý isinde asa belsendi emes»,-dedi Marıanı.

Óz kezeginde Qazaqstannyń Belgııadaǵy Tótenshe jáne ókiletti elshisi Aıgúl Quspan álemdik qaýymdastyqtyń «Jýsan» gýmanıtarlyq operatsııasyn teńdessiz shara retinde baǵalaǵandyǵyn aıtty.

«Jaqyna ǵana Qazaqstanda saparmen bolǵan AQSh-tyń Memlekettik hatshysy Qazaqstanyń bul baǵytta kóshbasshy bolyp otyrǵandyǵyn aıtyp, oń baǵasyn berdi. BUU-nyń Jenevadaǵy keńsesinde de bizdiń tájirıbemizdi jaqsy baǵalady»,-degen pikirimen bólisti qazaqstandyq dıplomat.

Konferentsııada sóz sóılegen Antıterrorıstik ortalyq jetekshisiniń orynbasary Sergeı Shveıkın Sırııanyń áskerı qaqtyǵys bolyp jatqan aımaqtaryndaǵy qazaqstandyqtardy sáıkestendirý, evakýatsııalaý jáne beıimdeý sharalary týraly aıtyp berdi.

Ol «Operatsııanyń gýmanıtarlyq maqsaty oryndaldy. Otandastyrymyz elgen oralǵan soń jańa ómir bastaý múmkindigin aldy, al olardyń urpaqtary beıbit elde tirshilik etýde»,-degen Memleket basshysy Qasym-Jomart Toqaevtyń sózin keltirdi.

Onyń sózinshe, óz otandastaryn elge qaıtarý boıynsha elimizdiń tájirıbesi halyqaralyq terrorızmmen kúres praktıkasyna qosylǵan eleýli úles bolyp otyr.

«Bul tájirıbe qazir problemalyq aspektilerimen birge tıimdi ádisteme daıyndap, tájirıbe jınaqtaý úshin muqııat zerttelýde. Bul jumysqa memlekettik organdarmen qatar úkimettik emes uıymdar da tartylǵan»,-dep qosty ol.

«Terrorızmmen kúreste kúsh biriktirýdiń mańyzdy ekenin eskere otyryp, biz budan ári de tıimdi tájirıbelermen almasýǵa daıyn ekenimizdi aıtqym keledi»,-dedi Shveıkın eýropalyqtarǵa qarata aıtqan sózinde.

Konferentsııa barysynda «Jýsan» operatsııasy aıasynda elge oralǵan Sabınella Aıazbaeva da sóz sóıledi. Qalyń kópshilik onyń bes balasymen birgen Sırııada ótkizgen kúnderi týraly áńgimesin uıyp tyńdady.

Terrorısterdiń ádiletsizdigi, qataldyǵy men adamı qasıetterden jurdaı áreketteri týraly áserli áńgimeden soń zalda otyrǵandar men Sabınellanyń ózi de eriksizden kózine jas aldy.

Spıkerlerdiń sózderi jınalǵandardy aıtarlyqtaı qyzyqtyrdy dese bolady. Aýdıtorııany ásirese balalar men áıelderdi beıimdeý, sodyrlardy radıkalsyzdandyrý, olardyń kinálaryn rastaıtyn dálelder men elimizdiń ınternettegi zańsyz kontentpen kúres baǵytyndaǵy tájirıbesi qyzyqtyrdy.

Konferentsııanyń sońynda jıynǵa qatysýshylar qazaqstandyq taraptyń keshendi ońaltý jumystaryn joǵary baǵalady. Qalyń kópshilik áskerı qaqtyǵystar aımaǵynan adamdardy evakýatsııalaý boıynsha elimizdiń tájirıbesin úırenýdiń paıdaly ekendigin aıtty.

Tımýr Dúısekeev


Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT