+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Eýroparlament depýtaty Toqaevtyń bir jyldyq jumysyna qatysty pikir bildirdi

2020 jylǵy 3 maýsym 10:02
Bólisińiz:
Eýroparlament depýtaty Toqaevtyń bir jyldyq jumysyna qatysty pikir bildirdi

BRıÝSSELЬ. QazAqparat – Prezıdent saılaýyna bir jyl tolýy qarsańynda Eýroparlamenttiń depýtaty, Eýroparlamenttegi «EO-Qazaqstan» Dostyq tobynyń tóraǵasy Ryshard Charnetskıı Qasym-Jomart Toqaevtyń bir jyldyq saıası jumysyna qatysty pikir bildirdi, dep habarlaıdy QazAqparat tilshisi.

«Eýropalyq parlamenttegi EO-Qazaqstan Dostyq tobynyń tóraǵasy retinde men Qazaqstandaǵy mańyzdy oqıǵalardy úlken qyzyǵýshylyqpen qadaǵaladym. 1993 jyly elge alǵashqy saparymnan bastap osy ýaqytqa deıin Qazaqstan qoǵamyndaǵy progressıvti kúshterdiń myqtylyǵyn basa kórsetetin úlken progreske qol jetkizildi», - dedi Eýroparlament múshesi QazAqparat tilshisine.

Ol 2019 jyldyń 12 maýsymynda Qasym-Jomart Toqaev Qazaqstan Prezıdenti bolǵanyn atap ótti. Óz jumysynyń basymdyǵy retinde Memleket basshysy qoǵamnyń birligin, azamattardyń quqyǵy men Qazaqstannyń ulttyq múddesiniń qorǵalýyn tańdaǵanyn eske saldy.

«Qazaqstan Prezıdenti óziniń saılaýaldy baǵdarlamasynda ýádelerdiń oryndalý kestesin kórsetpese de, ótken jyl oqıǵalarǵa toly ári el halqynyń qoldaýyna ıe bolǵan naqty sheshimdermen tolyqty», - dedi depýtat.

Ryshard Charnetskıı atap ótkendeı Qasym-Jomart Toqaev ásirese áleýmettik salaǵa basa mańyz bergen. Halyqtyń az qamtylǵan tobyn qoldaý úshin járdemaqylardyń ósýi, árttúrli apattardan zardap shekken halyqqa kómektiń kórsetilýi, pandemııanyń keselinen tabyssyz qalǵan azamattardy qoldaý syndy sharalar júzege asyryldy. Osynyń bárine de aıtarlyqtaı aqsha bólinýde.

«Eýropada Qasym-Jomart Toqaevtyń, shyn máninde, teńsizdikti azaıtyp, árbir qazaqstandyqtyń ómir súrý sapasyn jaqsartýǵa erekshe kóńil bóletin, áleýmettik máselelerdi sheshýge basymdyq beretin áleýmettik memleket quryp jatyr degen pikir qalyptasqan. Eýropalyq odaq muqııat qadaǵalaǵan Qazaqstan Prezıdentiniń mańyzdy bastamalarynyń biri - Ulttyq qoǵamdyq senim keńesin qurý boldy. Onda ishki kún tártibindegi eń mańyzdy máseleler talqylandy», - dedi Eýropalyq parlamenttegi «EO-Qazaqstan» dostyq tobynyń tóraǵasy.

Ryshard Charnetskıı Ulttyq keńes bergen usynystardyń negizinde elde saıası partııalar men beıbit jınalystardy ótkizý týraly zańdar qabyldanǵanyn jetkizdi.

«Prezıdent Toqaevqa bul laýazymda úlken synaqtarmen betpe-bet kelýge týra keldi. Solardyń biri - búkil álemniń mazasyn qashyrǵan koronavırýs pandemııasy. Biraq sheber basshylyqtyń arqasynda bul indettiń jaıylyp ketýine jol berilmedi. Prezıdenttiń ózi qazaqstandyqtarǵa áleýmettik jeliler men beıne habarlamalar arqyly joldaýlarynda koronavırýspen jáne basqa da ózekti máselelermen kúrestiń barysy týraly - aımaq úshin buryn-sońdy bolmaǵan ashyqtyq týraly aıtty. Kóp is Memleket basshysy deńgeıinde sheshildi. Tipti densaýlyq saqtaý salasynyń máselelerine Prezıdenttiń jeke qaraýyna týra keldi», - deıdi depýtat.

Ryshard Charnetskıı sońǵy ret Qazaqstanda eki jyl buryn Polsha atynan Eýroparlament múshesi retinde bolǵanyn eske alady.

«Men Polsha men Qazaqstan arasynda burynnan qalyptasqan qarym-qatynasty maqtan tutamyn. Sovet Odaǵynyń tarıhynda Qazaqstanda turǵan kóptegen polıak azamattary Qazaqstan jaıly jyly estelikterimen bólisip otyrady. Syrtqy saıasatta Qazaqstan burynǵydaı Eýropalyq Odaqpen seriktestikke erekshe nazar aýdaryp keledi. 2020 jyldyń 1 naýryzynda EO men Qazaqstan arasyndaǵy keńeıtilgen seriktestik pen yntymaqtastyq týraly kelisim tolyq kúshine endi. Biz taraptar osy qujattyń barlyq artyqshylyǵyn tolyq paıdalanady dep úmittenemiz. EO-Qazaqstan dostyq tobynyń tóraǵasy retinde men ózara qarym-qatynasymyzdy odan ári damytý úshin barlyq múmkindikti jasaımyn», - dep túıindedi sózin Eýropalyq Parlament depýtaty.

Aıta ketsek, ótken jyldyń qazanynda Eýroparlamenttiń toǵyzynshy shaqyrylymynda «EO-Qazaqstan» Dostyq toby qurylǵan edi. Onyń quramyna kiretin Eýroparlament músheleri EO men Qazaqstan arasyndaǵy áleýmettik já n e mádenı qarym-qatynasty damytýdy, saýda-ekonomıkalyq qarym-qatynasty keńeıtýdi basty maqsat etip alǵan.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT