Eýropanyń keıbir elderi karantın sharalaryn kúsheıtti
2021 jylǵy 28 qarasha 11:40

Eýropanyń keıbir elderi karantın sharalaryn kúsheıtti

NUR-SULTAN. QazAqparat – Eýropanyń birqatar eli koronavırýsqa baılanysty shekteý sharalaryn kúsheıtý týraly aıtýda. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.

Ispanııa bıligi vaktsınatsııa týraly sertıfıkattyń bar bolýyna qaramastan ınfektsııanyń taralý qaýpi joǵary elderden kelgen barlyq jolaýshylardan koronavırýsqa teris test talap etýdi qolǵa alýda. Ispanııa EO quramyna kirmeıtin «táýekel tobyndaǵy elder» qataryna 20-ǵa jýyq memleketten basqa barlyq eldi jatqyzady.

Germanııada jetekshi vırýsologtar búkil halyqtyq qatań karantın engizýge shaqyrýda. Dárigerler vaktsınatsııalanbaǵan adamdardy oqshaýlaýdy usynady. Epıdemıolog Aleksandr Kekýle: «Biz tolyq oqshaýlanbaı tórtinshi tolqyndy toqtata almaıtynymyzdy moıyndaýymyz kerek», — dedi.

Avstralııa koronavırýstyń jańa shtamynyń paıda bolýyna baılanysty Afrıkanyń toǵyz elinen kelgenderge elge kirýge tyıym saldy. Bul - Botsvana, Zımbabve, Lesoto, Malavı, Mozambık, Namıbııa, Seıshel araldary, Esvatını jáne Ońtústik Afrıka.

Eske salsaq, Ońtústik Afrıka Respýblıkasynda koronavırýstyń 1.1.529 ataýy bar jańa mýtatsııasy anyqtalǵan edi.

Bul nusqa burynǵylarǵa qaraǵanda áldeqaıda juqpaly jáne vaktsınalardyń oǵan áseri tıimsiz bolýy ábden múmkin ekendigi aıtyldy. Koronavırýstyń qaýipti delingen jańa shtamyna «Omıkron» degen ataý berildi.


Uqsas jańalyqtar

Jańalyqtar

Úrdis

MURAǴAT