+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Eýropalyq elshiler Abaıdyń «Qara sózin» frantsýz tilinde oqıdy

2020 jylǵy 3 naýryz 00:42
Bólisińiz:
Eýropalyq elshiler Abaıdyń «Qara sózin» frantsýz tilinde oqıdy

QARAǴANDY. QazAqparat - Frankofon elderiniń elshileri Qaraǵandyda Abaıdyń jetinshi qara sózin frantsýz tilinde oqıdy. Olar 14 naýryzda Qazaqstannyń alty qalasynda ótetin elshilik dıktanttyń dıktory bolady, dep habarlaıdy QazAqparat tilshisi.

Qaraǵandylyqtar da elshilik dıktantqa qatysa alady. Shara Frantsýz Alıansy ǵımaratynda Gogol kóshesi, 38 mekenjaıynda ótedi.

Іs-shara 1 naýryz ben 30 sáýir aralyǵynda Nur-Sultan, Almaty, Shymkent, Qaraǵandy, Óskemen jáne Qostanaı qalalarynda ótetin jyl saıynǵy «Frankofon kóktemi» festıvaline oraılastyryldy.

Festıval aıasynda Qaraǵandyda frantsýz kınosynyń aptalyǵy ótedi. Qala turǵyndary orys sýbtıtrlerimen frantsýz tilinde úsh fılmdi tegin tamashalaı alady.

Frantsýz rejısseri Mate Amalrıktiń kınokartınasy 3 naýryzda kórsetiledi. Basty keıipker - aktrısa Brıdjıt, ol tanymal ánshi Barbara róline daıyndalady. Rólge beıimdelý úshin qyz óziniń keıipkeriniń bıografııasyn, ádetterin jáne stılin túbegeıli zertteıdi. Dál osy ýaqytta bolashaq fılmniń rejısseri jas aktrısaǵa ǵashyq bolyp qalady. 2017 jyly Kann festıvalinde «Barbara» fılmi arnaıy júlde jeńip aldy. Ony 3 naýryzda saǵat 18.00-de Frantsýz alıansynda kórýge bolady.

Al 5 naýryzda saǵat 18.00-de qaraǵandylyqtar «Áıel jáne júrdek poıyz» kınolentasyn tamashalaıdy. Bul - shveıtsarııalyq Monbıjý qalashyǵynyń turǵyny men onyń úıiniń janynan ár tańda ótetin júrdek poezdyń kondýktory arasyndaǵy hat almasýdy baıandaıtyn kartına.

Bul serııadaǵy qorytyndy kórsetilim «Avgýstın qumarlyǵy» fılmi bolady. Rejısseri - kanadalyq Lea Pýl. Kınokartınadaǵy oqıǵa ótken ǵasyrdyń 60-shy jyldary Kvebek provıntsııasynda órbıdi. Basty keıipker - Avgýstınniń anasy, monastyr mektebiniń meńgerýshisi. Ol mektepke talantty, biraq búlikshil qaryndasy túskennen keıin kúrdeli problemalarǵa tap bolady, al provıntsııa Úkimeti monastyrlyq mektepterdi jabamyz dep qorqytady. Bul fılm 7 naýryz saǵat 14.00-de kórsetiledi.

Qaraǵandylyqtar sondaı-aq «Ǵalamshar murasy» jáne «Batyldyq» taqyryptary boıynsha frantsýz poezııa baıqaýyna qatysa alady. Ol 7-27 naýryz aralyǵynda ótedi.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT