+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Eýropalyq BAQ: Qazaqstan BUU QK-da álemdik qoǵamdastyqqa erekshe kózqaras pen tájirıbe ákeledi

2016 jylǵy 22 qyrkúıek 09:33
Bólisińiz:
Eýropalyq BAQ: Qazaqstan BUU QK-da álemdik qoǵamdastyqqa erekshe kózqaras pen tájirıbe ákeledi

BRıÝSSELЬ. QazAqparat - Qazaqstannyń 2017-2019 jyldarǵa BUU Qaýipsizdik Keńesiniń turaqty emes múshesi bolyp saılanýy álemdik qoǵamdastyq úshin erekshe kózqaras pen tájirıbe ákeledi.

Mundaı pikir sársenbi kúni EU Reporter eýropalyq jýrnalynda jarııalanǵan maqalada jazyldy.

«21-shi ǵasyrdaǵy eń mańyzdy óńirlerdiń birine laıyqty kóńil bólinbedi. Degenmen, sońǵy kúnderi BUU Bas Assambleıasyna qatysý úshin bas qosqan memleketter basshylary Ortalyq Azııanyń, sonyń ishinde Qazaqstannyń mańyzyn túsindi», - dep jazady EU Reporter.

«Qazaqstan jýyrda BUU Qaýipsizdik keńesiniń turaqty emes múshesi bolyp saılandy. Azııa-Tynyq muhıty tobynda QR úshin 138 memlekettiń ókili daýys berdi, óz kezeginde Taılandqa 55 daýys buıyrdy. Qazaqstannyń saılanýy mańyzdy oqıǵa bolyp tabylady. Bul BUU QK-ge saılanǵan Ortalyq Azııadaǵy alǵashqy el», - dep jazdy eýropalyq basylym.

EU Reporter Eýroparlament depýtaty Nıkolaı Barekovtyń sózin keltirdi. Onyń aıtýynsha, Qazaqstan Respýblıkasy táýelsizdiktiń 25 jylynda óz damýynda aıtýly serpilis jasap, burynǵy Keńes Odaǵynyń jetekshi eline aınaldy.

Bizdiń kanalymyzǵa jazylyńyz:

#BUU  
Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT