Eýropada koronavırýs juqtyrýshylar sany kúrt ósti
2022 jylǵy 6 shilde 11:27

Eýropada koronavırýs juqtyrýshylar sany kúrt ósti

NUR-SULTAN. QazAqparat – Frantsııada koronavırýsqa shaldyqqandar sany taǵy da artty. Eldiń densaýlyq saqtaý mınıstrliginiń málimetinshe, olardyń sany sońǵy kezderi kúnine 200 myń adam bolyp otyr, dep habarlaıdy QazAqparat Euronews-ke silteme jasap.

Eldegi dárihanalar test tapsyrǵysy keletin adamdardyń aǵynyna tótep bere almaı jatyr. Qalada sany boıynsha jetinshi koronavırýs tolqyny kúsheıdi.

Frantsýz bıligi, ásirese adamdar kóp jınalatyn jerlerde jáne qoǵamdyq kólikterde maska taǵýdyń mańyzdylyǵyn taǵy da eske saldy.

Germanııada da dabyl qaǵyldy. Test nátıjeleri boıynsha ınfektsııa juqtyrǵandar sany kúnine 150 myńǵa deıin ósken. Bul – Ulybrıtanııada tirkelgen kórsetkishten sál tómendeý. Onda 154 myńnan astam adamnan koronavırýs anyqtalǵan bolatyn.

Italııada koronavırýs ınfektsııasyn juqtyrýdyń 132 myńnan astam jańa jaǵdaıy tirkeldi.

Aýrýǵa shaldyǵýshylar sanynyń artýy eýropalyqtardyń jazǵy demalysy men josparlaǵan saıahattaryna kedergi keltirip tur.


Foto: s.yimg.com
Uqsas jańalyqtar
Seriktester jańalyqtary

Jańalyqtar

Úrdis

MURAǴAT