+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Eýropada koronavırýs juqtyrǵandar sany 60 mıllıonnan asty - DDSU

2021 jylǵy 2 tamyz 22:56
Bólisińiz:
Eýropada koronavırýs juqtyrǵandar sany 60 mıllıonnan asty - DDSU

KOPENGAGEN. QazAqparat – Dúnıejúzilik densaýlyq saqtaý uıymynyń Eýropalyq aımaqtyq bıýrosynyń jańa málimetterine sáıkes, pandemııa bastalǵannan beri Eýropa aımaǵynda COVID-19 juqtyrýshylar sany 60 mıllıonnan asty, dep habarlaıdy QazAqparat DDSU Eýropalyq aımaqtyq bıýrosynyń resmı saıtyna silteme jasap.

Uqsas jańalyqtar
Qyzylordada «Ashyq» júıesi arqyly oqshaýlaný tártibin buzǵan 1111 azamat anyqtaldy Almatyda koronavırýs juqtyrǵandar sany azaıdy SQO-da monıtorıngtik toptar myńnan astam nysandy tekserip, 20 adamdy jazalady

«Pandemııanyń sońy áli jaqyndaǵan joq, ókinishke oraı, Eýropa aımaǵynda COVID-19-dan 1,2 mıllıonnan astam adam qaıtys boldy. Elder halyqtyń eń osal toptary men qaýip-qater tobyndaǵy adamdardy qorǵaý boıynsha birlesken jumysty jalǵastyrýy mańyzdy.

DDSU-ǵa múshe memleketterde eýropalyq aımaqta vaktsınamen qamtýdyń jalpy kórsetkishteri aıtarlyqtaı erekshelenedi. Al keıbir elderde 60 jastan asqan adamdar, medıtsına qyzmetkerleri, uzaq merzimdi emdeý mekemelerinde turatyn adamdar jáne ilespe aýrýlary bar adamdar sııaqty halyqtyń basymdyqty toptaryn vaktsınalaý deńgeıi áli de tómen. Іndettiń aýyr ótýin boldyrmaý jáne ólimniń aldyn alý úshin vaktsınalardyń tıimdi ekeni dáleldendi. Al osy basymdyqty toptardaǵy aýrýdyń kóbeıýi aýrýhanaǵa jatqyzylǵandar men ólim jaǵdaılarynyń artýyna ákeledi. Biz halyqtyń barlyq basymdyqty tobyn shuǵyl túrde vaktsınalaýymyz kerek», - dedi DDSU Eýropalyq aımaqtyq bıýrosynyń tótenshe jaǵdaılar jónindegi aımaqtyq dırektory Dorit Nitzan.

Onyń aıtýynsha, pandemııany toqtatý úshin barlyq elde vaktsınatsııaǵa qoljetimdilikti qamtamasyz etý qajet. Sonyń ishinde vaktsınalar óndirisin qoldaý jáne ár eldegi osal adamdardy qorǵaý úshin vaktsınalarmen almasýdy (múmkin bolǵan jaǵdaıda) júrgizý kerek.

«Sonymen qatar, biz epıdemııaǵa qarsy sharalardy, sonyń ishinde testileý, sekventsııalaý, naýqastarmen baılanysta bolǵandardy izdeý, oqshaýlaý jáne karantındi jalǵastyrýymyz kerek. Sondaı-aq, qoldy jýyp, maska taǵyp, adamdar kóp shoǵyrlanǵan jáne jabyq jerlerde fızıkalyq qashyqtyqty saqtaý mańyzdy», -dedi ol.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT