+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Eýropada koronavırýs taǵy da órshidi

2020 jylǵy 18 qyrkúıek 07:41
Bólisińiz:
Eýropada koronavırýs taǵy da órshidi

NUR-SULTAN. QazAqparat – Djon Hopkıns ýnıversıtetiniń málimetteri boıynsha, álemde koronavırýs juqtyrǵandar sany 30 mıllıonǵa jýyqtady, 941,3 myń adam qaıtys boldy, dep habarlaıdy QazAqparat BBC agenttiginiń málimetterine silteme jasap.

Uqsas jańalyqtar
Almatyda mıtıng ótkizýge tyıym salynýy múmkin Qys jaqyndaǵan saıyn koronavırýs juqtyrǵandar sany ósýde – DDSU basshysy Bishkekte alǵash ret koronavırýsty qaıta juqtyrý jaǵdaılary anyqtaldy

Dúnıejúzilik densaýlyq saqtaý uıymy (DDSU) Eýropadaǵy jaǵdaıdyń indet qatty órshigen naýryzdaǵy jaǵdaıdan áldeqaıda aýyr ekenin málimdedi.

«Tek ótken aptanyń ózinde ǵana álemde vırýsty juqtyrýdyń 300 jańa jaǵdaıy tirkeldi»,-dep málimdedi DDSU-nyń Eýropa boıynsha óńirlik dırektory Hans Klıýge. Naýryz aıynyń sońynda Eýropada vırýs juqtyrýdyń jańa jaǵdaılary 26 475-ke jetti.

«Jaǵdaı óte múshkil»,-dedi Klıýge.

Eýropanyń kóptegen elinde qazir sońǵy birneshe aıdaǵy eń joǵarǵy kórsetkishter tirkelýde.

Klıýgeniń sózinshe, vırýstyń álem elderi arasynda taraý kórsetkishi de ósip keledi.

«Shildede aýrý juqtyrý kórsetkishi tómen bolatyn. Al qyrkúıektegi kórsetkishter bizge eskertý ispettes bolýy kerek edi»,-dedi ol.

Іndettiń taraý kórsetkishi ósip otyrǵan elderdiń biri Nıderlandy. Bul el jaqynda Brıtanııanyń «qyzyl tizimine» endi. Qazir Nıderlandydan keletinder 14 kúnge oqshaýlandyrylýy tıis.

Al Ispanııada stýdentter kóshege shyǵyp, joǵary oqý oryndary men mektepterdegi qaýipsizdikti nyǵaıtýdy talap etti. Naqtyraq aıtqanda olar tazalyq standarttaryn jetildirip, ustazdardyń jeke qaýipsizdik qurylǵylarymen qamtamasyz etilýin talap etip otyr. Sońǵy táýlikterde bul elde koronavırýstan 239 adam qaıtys boldy. Bul maýsym aıynan keıingi eń úlken kórsetkish. Aýrý júqtyrý jaǵdaılary ásirese Madrıdte kóbeıdi.

Frantsııada kásipodaq uıymdarynyń ókilderi bas kótermek. Olar ekonomıkamen baılanysty máselelerdi sheshý úshin úkimet tarapynan qolǵa alynyp otyrǵan sharalar jetkiliksiz dep esepteıdi. Bıliktiń boljamynsha, 2020 jyly 800 myńnan astam adam jumysynan aıyrylýy múmkin. Frantsııada sońǵy táýlikterde COVID-19 juqtyrýdyń 10 myń jańa jaǵdaıy tirkelgen.

Germanııada sońǵy 24 saǵatta vırýs juqtyrǵandar sany bıylǵy jyldyń sáýir aıynan bergi ýaqyttaǵy eń joǵarǵy kórsetkish bolyp otyr.

Anglııanyń soltústik-shyǵysyndaǵy birqatar qalada karantınniń qosymsha sharalary engizilýde. Atalǵan óńir turǵyndary «áleýmettik sheńber» dep atalatyn aýmaqqa jatpaıtyn adamdarmen qarys-qatynas jasaı almaıdy nemese turǵyndardyń ózderimen bir úıde turyp jatqan adamdarmen baılanysyna tyıym salynǵan.

Sonymen qatar dámhanalar men meıramhanalarda shekteý sharalary engizilgen. ıAǵnı atalǵan oryndarda tamaqqa tapsyrysty tek sol jerde otyrǵan kezde ǵana bere alasyz. Oıyn-saýyq oryndary jumysyn tek túngi 22:00-ge deıin ǵana jalǵastyra alady.


Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT