+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Eýropa lıgasy: «Astana» jeńilip qaldy

2019 jylǵy 13 jeltoqsan 07:21
Bólisińiz:
Eýropa lıgasy: «Astana» jeńilip qaldy

NUR-SULTAN. QazAqparat - Búgin UEFA Eýropa lıgasy toptyq kezeńindegi sońǵy týr oıyndary ótti. Elordalyq «Astana» syrt alańda Serbııanyń «Partızan» komandasynan jeńilip qaldy, dep habarlaıdy QazAqparat tilshisi.

Alǵashqy goldy 4-mınýtta alań ıeleri soqty. Ony «Partızan» oıynshysy Seıdýba Sýma óziniń enshisine jazdy. Budan keıin de serb fýtbolshylary shabýyl shebinde jıi boı kórsetip jatty. Al 22-mınýtta «Partızan» komandasynan Ýmar Sadık esepti ulǵaıta tústi. Esterińizge sala ketelik, ol elordada ótken alǵashqy kezdesý de eki gol soǵyp, óz komandasyna 2:1 esebimen jeńis syılaǵan bolatyn. Al 26-mınýtta olardyń qatarynan Takýma Asano da mergendik tanytty. Ýmar Sadık 76-mınýtta taǵy bir gol soǵyp, eki kezdesý barysynda tórt goldyń avtory atandy. Al 79-mınýtta «Astana» oıynshysy Dorın Rotarıý esep aıyrmasyn qysqartty. Osylaısha «Astana» qarsylasynan 1:4 esebimen jeńilip qaldy.

Jarystyń kelesi satysyna joldama alǵan 24 komanda belgili boldy. Atap aıtqanda, A tobynan «Sevılıa» (Ispanııa) men APOEL (Kıpr), V tobynan «Kopengagen» (Danııa) men «Malme» (Shvetsııa), S tobynan «Bazel» (Shveıtsarııa) men «Hetafe» (Ispanııa), D tobynan LASK (Avstrııa) men «Sportıng Lıssabon» (Portýgalııa), E tobynan «Seltık» (Shotlandııa) men ChFR (Rýmynııa), F tobynan «Arsenal» (Anglııa) men «Aıntraht» (Germanııa) komandalary jarystyń 1/8 fınalyna shyqty. Al G tobynan «Glazgo Reındjers» (Shotlandııa) jáne «Portý» (Portýgalııa), H tobynan «Espanol» (Ispanııa) jáne «Lýdogorets» (Bolgarııa), I tobynan «Gent» (Belgııa) jáne «Volfsbýrg» (Germanııa), J tobynan «Istanbýl Bashakshehır» (Túrkııa) jáne «Roma» (Italııa), K tobynan «Braga» (Portýgalııa) men «Výlvergempton» (Anglııa), L tobynan «Manchester ıÝnaıted» (Anglııa) jáne «AZ Alkmaar» (Gollandııa) komandalary jarystyń kelesi satysyna joldama aldy.

Eýropa lıgasy 1/8 fınalynyń jerebesi 16 jeltoqsanda Non qalasynda tartylady. Eýropa lıgasy toptyq kezeńinde birinshi jáne ekinshi oryn alǵan komandalar qataryna Chempıondar lıgasynda óz tobynda úshinshi oryn alǵan klýbtar qosylady. Eýropa lıgasy 1/8 fınalynyń oıyndary 2020 jyldyń 20 jáne 27 aqpan kúnderi ótkiziledi.

Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT