+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Eýropa lıgasy: «Astana» búgin «Manchester ıÝnaıtedpen» kezdesedi

2019 jylǵy 19 qyrkúıek 13:33
Bólisińiz:
Eýropa lıgasy: «Astana» búgin «Manchester ıÝnaıtedpen» kezdesedi

NUR-SULTAN. QazAqparat - Búgin fýtboldan UEFA Eýropa lıgasynyń alǵashqy týr oıyndary bastalady. Atalmysh týrnırde L tobynda synǵa túsetin elordalyq «Astana» syrt alańda Anglııanyń «Manchester ıÝnaıted» komandasymen kezdesedi, dep habarlaıdy QazAqparat tilshisi.

Aıta keterligi, buǵan deıin Eýrokýbok oıyndarynda el namysyn qorǵaǵan qazaqstandyq klýbtar birde-bir márte Anglııa klýbymen kezdesip kórgen emes. Sondyqtan «Astana»-«Manchester ıÝnaıted» kezdesýi qos eldiń komandalary arasyndaǵy tarıhı oıyn sanalady.

«Astana» sońǵy bes jylda Eýrokýbok oıyndary toptyq kezeńine turaqty qatysyp keledi. Dese de, aǵylshyndyq klýb sekildi tájirıbeli komandamen oınap kórgen joq. Sondyqtan búgingi kezdesý qazaqstandyq komanda úshin úlken synaqtyń biri bolady.

«Astana» 2015/2016 jylǵy kezeńde UEFA Chempıondar lıgasynda Ispanııanyń «Atletıko Madrıd», Portýgalııanyń «Benfıka» jáne Túrkııanyń «Galatasaraı» klýbtarymen kúsh synasty. Al irikteý kezeńinde Slovenııanyń «Marıbor», Fınlıandııanyń HIK, Kıprdiń APOEL komandalarymen kezdesti.

Elordalyq klýb 2016/2017 jylǵy kezeńde aldymen Chempıondar lıgasyn irikteý kezeńinde Lıtvanyń «Jalgırısin» jeńip, jarystyń kelesi satysynda Shotlandııanyń «Seltık» klýbyna jol berdi. Budan keıin Eýropa lıgasynyń pleı-off satysynda Belarýstiń BATE klýbyn orta jolda qaldyryp ketti. Nátıjesinde V tobynda Kıprdiń APOEL, Grekııanyń «Olımpıakos» jáne Shveıtsarııanyń «ıAng Boız» klýbtarymen kezdesti.

«Astana» 2017/2018 jylǵy kezeńde Chempıondar lıgasynyń ekinshi jáne irikteý satysynda Latvııanyń «Spartak ıÝrmala», Polshanyń «Legııa Varshava» klýbtarymen jeńip, pleı-off satysynda taǵy da Shotlandııanyń «Seltık» klýbyna jol berdi. Nátıjesinde Eýropa lıgasy toptyq kezeńine joldama aldy. Jarystyń bul satysynda A tobynda Ispanııanyń «Vılıarreal», Chehııanyń «Slavııa Praga» jáne Izraıldiń «Makkabı Tel-Avıv» komandalarymen oınady. Óz tobynda ekinshi oryn alǵan «Astana» jarystyń 1/16 fınalynda Portýgalııanyń «Sportıngine» ese jiberdi.

«Astana» 2018/2019 jylǵy kezeńde de aldymen Chempıondar lıgasynda oınady. Aldymen Chernogorııanyń «Sýteska», Danııanyń «Mıdtıýllann» komandalaryn súrindirip, úshinshi irikteý kezeńinde Horvatııanyń «Dınamo Zagreb» komandasyna jol berdi. Odan keıin Eýropa lıgasy pleı-off satysyna qatysýǵa joldama alǵan «Astana», bul joly da Kıprdiń APOEL klýbynan basym tústi. Sosyn K tobynda Ýkraınanyń «Dınamo Kıev», Frantsııanyń «Renn» jáne Chehııanyń «ıAblonets» klýbtarymen kezdesti.

Bıyl Chempıondar lıgasy birinshi irikteý satysynda Rýmynııanyń ChFR klýbyna jol berdi. Odan keıin Eýropa lıgasynda Andorranyń «Santa-Koloma», Maltanyń «Valletta», Belarýstiń BATE klýbtaryn orta jolda qaldyrdy. Osylaısha «Astana» toptyq kezeńge joldama aldy.

Atalǵan komandalar arasynda «Manchester ıÝnaıted» komandasynyń orny bólek. «Manchester ıÝnaıted» 1878 jyly qurylǵan. Sodan bergi ýaqytta Anglııanyń 20 márte chempıony atandy. Sońǵy ret 2012/2013 jylǵy kezeńde «altynnan» alqa taqqan bolatyn. Aıta keterligi, 1903 jyldan beri komandada nebári 8 bas bapker qyzmet atqardy. Olardyń arasynda shotland mamany Aleks Fergıýsonnyń zor eńbegi bar. Atalmysh maman bapkerlik jasaǵan ýaqytta «Manchester ıÝnaıted» 13 márte Anglııa Premer-lıgasynda chempıon bolsa, 2 márte Chempıondar lıgasynda jeńimpaz atandy. Komandanyń odan ózge de tolaıym tabysy jeterlik.

Qazirgi tańda atalmysh klýbqa norvegııalyq Ýle Gýnnar Sýlsher bas bapkerlik jasaıdy. Kezinde 1996-2007 jyldarda «Manchester ıÝnaıted» klýbynda 235 oıyn ótkizip, qarsylastar qaqpasyna 91 gol soqqan ol, 2018 jyldan beri bapkerlik tizgindi qolǵa aldy. Byltyr manchesterlik klýb óz eliniń birinshiliginde altynshy oryndy qanaǵat tutty.

Búginde «Manchester ıÝnaıted» klýbyn AQSh-ta turatyn Gleızer áýleti qarjylandyrady. 2005 jyly amerıkandyq kásipker Malkolm Greızer komandany óz ıeligine aldy. Bıyl Gleızer áýleti komandadaǵy úlesin 75 paıyzǵa arttyrdy.

«Manchester ıÝnaıted» komandasynda qazir kóptegen tájirıbeli fýtbolshylar oıyn kórsetedi. Olardyń qatarynda ıspanııalyq qaqpashy Davıd de Hea, jartylaı qorǵaýshy Hýan Mata, frantsýz shabýylshylary Antonı Marsıal, Pol Pogba, aǵylshyndyq fýtbolshylr Markýs Rashford, Eshlı ıAng, Djessı Lıngard syndy úzdikter bar.

«Manchester ıÝnaıted» komandasynyń bas bapkeri Ýle Gýnnar Sýlsher búgingi kezdesýde jas fýtbolshylar kóbirek alańǵa shyǵatynyn aıtyp ótti. Olar jas bolǵanmen jasyl alań tórinde jaqsy qyrynan tanylyp úlgergen. Sondyqtan búgingi oıyn olar úshin ózderiniń sheberligin taǵy da bir márte kórsetýge jol ashatyn bolady.

«Manchester ıÝnaıted» jáne «Astana» arasyndaǵy kezdesý Nur-Sultan ýaqytymen 01.00-de áıgili «Old Trafford» stadıonynda bastalady. Kezdesý QazSport telearnasynda tikeleı efırde kórsetiledi.


Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT