+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Eýropa Qytaıda taraǵan koronavırýstan qaýiptenip otyr

2020 jylǵy 22 qańtar 21:25
Bólisińiz:
Eýropa Qytaıda taraǵan koronavırýstan qaýiptenip otyr

NUR-SULTAN. QazAqparat - Eýropalyq aýrlardyń aldyn alý jáne baqylaý ortalyǵy Qytaıda taraǵan koronavırýstyń Eýropaǵa taraý táýekelin «tómennen» «ortasha» deńgeıge kóterdi.

Uqsas jańalyqtar
Qazaqstan Musylmandary dinı basqarmasy Covid-19 koronavırýsine qatysty málimdeme jasady Aqtaýda júkti áıeldiń júregine ota jasaldy Kókshetaýda 33 jastaǵy er adam úıinde kóz jumdy

Atalǵan ortalyq mundaı qadamǵa qytaılyq sarapshylardyń koronavırýstyń adamnan adamǵa juǵatyndyǵyn rastaǵannan keıin baryp otyr, dep habarlady «QazAqparat» HAA-niń Brıýsseldegi menshikti tilshisi.

«Infektsııanyń taralý kózi belgisiz jáne ol áli de bolsa belsendi bolýy yqtımal. Osyǵan baılanysty Ýhanǵa saparlap, vırýs juqtyrǵandarmen tyǵyz baılanysty bolǵan adamdardyń ony juqtyrý yqımaldyǵy ortasha dep eseptelinedi», - delingen uıymnyń búgin taratqan aqparatynda.

Eýropaǵa saıahattaýshylardyń vırýsty ımporttaý yqtımaldyǵy Qytaıǵa saparlardyń jıilýimen jáne Qytaı jańa jylynyń toılanýymen baılanysty bolyp otyr.

Aıta keterligi, Eýropalyq odaqtyń úsh áýejaıyna Qytaıdyń Ýhan qalasynan tikeleı áýe reısteri keledi. FlightConnections.com resýrsynyń málimetine sáıkes, olar: Londonnyń «Hıtroý», Parıjdiń «Sharl de Goll» jáne Rımniń «Fıýmıchıno» áýejaılary.

Osy málimdeme taralǵannan keıin-aq Ulybrıtanııa bıligi Ýhannan Londonǵa keletin barlyq tikeleı reısterge monıtorıng jasaý sharalaryn kúsheıtti. Qytaı qalasynan kelgen ushaqtar Hıtroý ushaǵyndaǵy oqshaýlanǵan aýdanda qabyldanady. Buǵan qosa, áýe kemesiniń komandırlerine jolaýshylardyń ishinen naýqastaný belgileri anyqtalǵannan jaǵdaıda ushaq qonýǵa 1 saǵattan astam ýaqyt buryn habarlaýǵa keńes berildi.

Aıta keteıik, 15 qańtarda koronavırýsty juqtyrǵandar sany 41 adam bolatyn, kóz jumǵandar – eki adam.

Al 19 qańtarda aýrýǵa shaldyqqandar 200-ge jýyqtady, úsh adam qaıtys boldy.

20 qańtarda 300-ge jýyq adam esepke alyndy.

«Osy jyldyń 20 qańtary saǵat 24:00-degi jaǵdaı boıynsha, koronavırýstyń jańa úlgisine shaldyqqandar sany 291-ge jetti (270 – Ýhanda, beseýi – Beıjińde, 14-i – Gýandýn provıntsııasynda (Ońtústik Qytaı), ekeýi – Shanhaıda. Qytaıdyń 14 provıntsııasynda aýrý juqtyrýy múmkin 54 adam bar», - delingen bolatyn QHR ulttyq densaýlyq saqtaý isi jónindegi komıssııasynyń málimetinde.

Pnevmonııanyń órshýine baılanysty Qazaqstannyń atalmysh elmen shekaralarynda, áýejaılarda baqylaý kúsheıtildi.

Avtory Tımýr Dúısekeev

Foto: NICOLAS ASFOURI/AFP via Getty Images


Bizdiń kanalymyzǵa jazylyńyz:

Basty sózder: Medıtsına, Álem, Koronavırýs,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT