+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Eýropa keńesiniń sarapshylary Qazaqstannyń jemqorlyqqa qarsy júıesin alǵash ret baǵalaıdy

2021 jylǵy 13 qyrkúıek 11:11
Bólisińiz:
Eýropa keńesiniń sarapshylary Qazaqstannyń jemqorlyqqa qarsy júıesin alǵash ret baǵalaıdy

NUR-SULTAN. QazAqparat - Qazaqstanǵa 7-10 qyrkúıek aralyǵynda baǵalaý monıtorınginiń 1-2 raýndy aıasynda GREKO baǵalaý toby alǵashqy saparmen keldi, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

Sarapshylar sybaılas jemqorlyqqa qarsy is-qımyldyń quqyqtyq negizin jáne qoldanystaǵy sybaılas jemqorlyqqa qarsy tetikterdi baǵalaıdy. Immýnıtetterdi alyp tastaý, sybaılas jemqorlyq kiristerin tárkileý, memlekettik organdardyń ashyqtyǵy, memlekettik qyzmetshilerdiń ádeptiligi jáne sybaılas jemqorlyq úshin zańdy tulǵalardyń jaýapkershiligi máselelerine erekshe nazar aýdardy.

Esterińizge sala ketsek, GREKO Eýropa keńesiniń sybaılas jemqorlyqqa qarsy is-qımyl jónindegi organy jáne halyqaralyq sharttarda bekitilgen standarttardy saqtaý jáne tıimdi qoldanýǵa jaýap beredi.

Bıyl naýryz aıynan bastap sarapshylar qazaqstandyq zańnamany zerdeledi. Osy saparda sheteldik baǵalaýshylar memlekettik organ ókilderimen, ÚEU, BAQ jáne kásibı qaýymdastyq ókilderimen kezdesti.

Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov sapardyń birinshi kúni áriptesterine Qazaqstannyń sybaılas jemqorlyqqa qarsy júıesi týraly baıandady. Sondaı-aq, Bas prokýratýra qyzmetkerlerimen birlesip «Sotqa deıingi tergeýlerdiń biryńǵaı tizilimi», «Ákimshilik óndiristerdiń biryńǵaı tizilimi», «Tekserýler sýbektileri men obektileriniń biryńǵaı tizilimi» júıeleri jáne «Qamqor» aqparattyq servısi tanystyryldy.

Sarapshylardyń qazaqstandyq zańnama men praktıkanyń erekshelikterin neǵurlym tolyq túsinýin qamtamasyz etý úshin Parlament, Ulttyq qaýipsizdik komıteti, Qarjy monıtorıngi jáne Memlekettik qyzmet isteri jónindegi agenttikter, Esep komıteti, Joǵarǵy sot, Bas prokýratýra, ádilet, qarjy, ishki ister mınıstrlikteri jáne ákimdikterdiń qatysýy uıymdastyryldy.

Kezdesýler barysynda alynǵan aqparatty qorytý nátıjesi boıynsha sybaılas jemqorlyqqa qarsy is-qımyl sharalaryn jetildirý jónindegi usynymdarmen qosa baǵalaý esebi jasalady.

Usynymdar tizbesi kelesi jyldyń naýryz aıynda GREKO-nyń plenarlyq otyrysynda bekitiledi. Ony oryndaý úshin bizdiń elge 18 aı beriledi.

Usynymdardy sapaly oryndaý Eýropa keńesiniń sybaılas jemqorlyq úshin qylmystyq jaýapkershilik týraly konventsııasyn jáne birqatar basqa da mańyzdy halyqaralyq sharttardy ratıfıkatsııalaýǵa jol ashady.

Olarǵa qosylý qylmyskerlerdi ekstradıtsııalaý jáne shetelge shyǵarylǵan aktıvterdi qaıtarý bóliginde sheteldik áriptestermen neǵurlym tıimdi yntymaqtasýǵa múmkindik beredi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT