Eýropa elderi qýańshylyqtan zardap shegýde
2022 jylǵy 3 shilde 15:08

Eýropa elderi qýańshylyqtan zardap shegýde

NUR-SULTAN. QazAqparat – Polshadaǵy aptap ystyqtyń sońy qatty jelge ulasyp, nóser jaýǵan jáne sý tasqyny bolǵan. Baltyq jaǵalaýyndaǵy Gdynıa qalasynda mýzykalyq festıval uıymdastyrýshylary kontsertti ýaqytsha toqtatyp, adamdardy evakýatsııalaǵan, dep habarlaıdy QazAqparat Euronews-ke silteme jasap.

Italııanyń soltústigi qurǵaqshylyqtan zardap shegip jatyr. Po ózenindegi sý sońǵy 70 jyldaǵy eń tómengi deńgeıine túsken. Bul óńirdegi kúrish alqabyna, mal sharýashylyǵyna qaýip tóndirip tur. Sharýalar kásipodaǵy eldegi fermerler 30%-dan astam eginin joǵaltý qaýpi bar ekenin eskertti.
Antıtsıklonǵa baılanysty kóterilgen temperatýra saldarynan Italııa astanasynyń turǵyndary, jabaıy janýarlar zardap shegip jatyr. Rım zoobaǵynyń qyzmetkerleri janýarlarǵa muzdatylǵan jemister, et jáne balyq berip jatyr.
Apennın túbeginiń kóptegen qalasynda fontandar óshirildi. Verona bıligi sý únemdeý úshin sharalar qoldanyp jatyr. Jazdyń sońyna deıin qala turǵyndary aýyz sýdy baqtar men kókónis baqtaryn sýarýǵa, kólik jýý jáne basseınderdi toltyrý úshin paıdalana almaıdy. Tártip buzýshylarǵa 500 eýro aıyppul salynady.

Sýret:euronews.com


Uqsas jańalyqtar
Seriktester jańalyqtary

Jańalyqtar

Úrdis

MURAǴAT