Eýropa elderi Frantsııaǵa orman órtin sóndirýge kómektesip jatyr
2022 jylǵy 13 tamyz 22:19

Eýropa elderi Frantsııaǵa orman órtin sóndirýge kómektesip jatyr

PARIJ. QazAqparat - Eýropa elderi Frantsııanyń ońtústik-batysyndaǵy Jıronda departamentindegi órtti sóndirý úshin qosymsha kúsh jiberip jatyr, dep habarlaıdy QazAqparat Euronews-ke silteme jasap.

Osy aptadaǵy aptap ystyqta órt kúsheıip, 7,5 myń gektar ormandy sharpydy. Tótenshe jaǵdaı qyzmetiniń mamandary eń bolmasa órttiń jaıylýyn tejesek dep otyr. 1000-nan astam órt sóndirýshi tilsiz jaýdy oqshaýlaý úshin toqtaýsyz jumys istep jatyr. Olarǵa Polsha, Avstrııa, Rýmynııa, Vengrııa jáne Germanııadan taǵy 350 maman jiberildi.

TJ mamandarymen qosa, EO elderi oqıǵa ornyna arnaıy tehnıkalardy da joldaǵan. Onyń ishinde órt sóndiretin ushaqtar da bar.

Frantsııalyq órt sóndirýshiler ózge elderdiń mamandary kómekke kelmese, jaǵdaı qıyn bolǵaly turǵanyn jetkizdi. Sebebi olar órtpen kúresip jatqan basqa aýmaqtaǵy órt sóndirýshilerdi tarpaq bolǵan kórinedi.
Jırondada osy jazda osymen úshinshi ret iri orman órti bolyp jatyr. Tipti, eldiń ІІM-i bul órtterdi bireýler qoldan uıymdastyryp otyr ma degen de kúdigi baryn aıtqan.
Osy aptanyń ishinde qaýipti aýdandardan 10 myń adam evakýatsııalandy.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT