+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Eýroodaq ortaq farmatsevtıkalyq strategııany qabyldady

2020 jylǵy 25 qarasha 22:06
Bólisińiz:
Eýroodaq ortaq farmatsevtıkalyq strategııany qabyldady

NUR-SULTAN. QazAqparat – Búgin Eýropalyq komıssııa Eýropaǵa arnalǵan Farmatsevtıkalyq strategııa qujatyn qabyldady, dep habarlaıdy «QazAqparat» HAA menshikti tilshisi.

Qujat patsıentterdi ınnovatsııalyq jáne qoljetimdi dári-dármekpen qamtamasyz etýge, sonymen qatar Eýroodaqtyń básekege qabilettigin, ınnovatsııalyq áleýeti men farmatsevtıkalyq ónerkásibiniń bekemdigin qoldaýǵa baǵyttalǵan. Strategııa Eýropaǵa pandemııa kezeńinde tasymaldyń senimdi legin jolǵa qoıa otyryp, farmatsevtıkalyq qajettiligin jabýǵa múmkindik beredi.

Strategııa Eýropalyq odaqtyń myǵym densaýlyq saqtaý salasyn qurýda mańyzdy komponent bolǵaly tur. Buǵan deıin Eýropalyq komıssııanyń prezıdenti Ýrsýl von der Lıaıen osylaı degen bolatyn.

Eýropalyq komıssııa basshysynyń aıtýynsha koronavırýs pandemııasy EO elderiniń densaýlyq saqtaý júıesin jaqsartý qajettiliginiń ómirlik mańyzy zor ekenin kórsetip bergen.

«Eýropalyq odaq dál qazirgi ýaqytta ekonomıkalyq jáne áleýmettik qıyndyqtardy bastan ótkerip jatyrn. Al qabyldanǵan bul strategııa Eýropa men eýropalyqtar osyndaı dári-dármektiń paıdasyn kóretinine kepildik beredi. Men odaqqa múshe memleketter men parlamentti aldaǵy úsh jylda jáne odan keıingi kezeńderde engiziletin bul amaldy qoldaýǵa shaqyramyn», - dedi Ý. Lıaıen.

Eýropalyq komıssııanyń eýropalyq ómir sıpatyn ilgeriletý jónindegi vıtse-prezıdenti Margarıtıs Shınas budan burynǵy ýaqytta tıimdi ári qaýipsiz dári-dármek, vaktsına men em-dom sharalary aýrýlardyń negizgi sebepterimen kúresýge múmkindik bergenin atap ótti.

«Qabyldanǵan strategııa Eýroodaqtyń farmatsevtıkalyq ónerkásibin qoldaıdy. Onyń básekege qabilettiligi men ınnovatsııasyn demep, patsıentterdiń qajettiligin qanaǵattandyrady», - dedi Eýropalyq komıssııanyń ókili.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT