Eýro-2020: Qazaqstan úshinshi orynǵa kóterile ala ma

NUR-SULTAN. QazAqparat - Búgin fýtboldan 2020 jylǵy Eýropa chempıonaty irikteý satysynyń sońǵy týrynda Qazaqstan quramasy syrt alańda Shotlandııamen kezdesedi, dep habarlaıdy QazAqparat tilshisi.
Qazaqstandyq fýtbolshylar óz alańynda atalmysh qarsylasyn alǵashqy týrda 3:0 esebimen oısyrata jeńdi. Shotlandııa quramasy sol ketken eseni búgin qaıtarýǵa tyrysatyny anyq. Búgingi kezdesýdiń qos qurama úshin de mańyzy zor. Ekeýiniń bireýi jeńiske jetken jaǵdaıda úshinshi oryn sol quramaǵa buıyrady.
Shotlandııa atalmysh irikteý satysynyń alǵashqy oıynynda Qazaqstannan jeńilgennen keıin táp-táýir nátıjege qol jetkizdi. Tórt kezdesýde jeńiske jetse, qalǵanynda Belgııa jáne Reseı sekildi azýly qarsylastaryna ese jiberdi. Búgingi kúni 12 upaı jınap, týrnır kestesinde úshinshi orynda tur. Shotlandııa quramasy úshin búgin teń nátıje tirkelse de jetip jatyr. Degenmen olar jaǵdaıyn budan da jaqsartyp alýy úshin baryn salatyny anyq.
Búgingi tańda Shotlandııa quramasy sapynda kóptegen jas fýtbolshylar el namysyn qorǵaýǵa múmkindik alyp keledi. Aıta keterligi, olardyń kópshiligi Anglııa Premer-lıgasynda oıyn kórsetedi. Tumandy Albıondaǵy atalmysh dop dodasy álemde úzdik retinde baǵalandy. Sondyqtan olardyń sheberlik deńgeıin joǵary baǵalaýǵa negiz bar. Mundaı fýtbolshylar qatarynda «Lıverpýl» namysyn qorǵaıtyn Endrıý Robertson, «Blekbern Rovers» oıynshysy Charlı Malgrıý, «Aston Vılladan» Djon Maklınn, «Saýtgemptonnan» Stıýart Armstrong sekildi jigitter óz quramasyn órge súıreıdi degen senim bar.
Jankúıerler Shotlandııa quramasy jaıynda jaqsy biledi. Burynǵy jyldarda olar álemdik dodalarda jıi boı kórsetip jatatyn. Alaıda sońǵy kezeńde atalmysh qurama álem jáne qurlyq chempıonaty fınaldyq kezeńine shyǵa almaı keledi. Aıtalyq, olar álem chempıonatynda 2002 jyldan beri baq synaýdan shet qalyp júrse, Eýropa úzdikteriniń qatarynda 2000 jyldan bastap boı kórsetken joq. Degenmen irikteý kezeńderinde óz tobynda joldamaǵa qol sozymda qalyp qoıyp júrdi.
Qazaqstan bıyl tórtinshi márte Eýropa chempıonaty irikteý satysyna qatysyp otyr. Alǵash 2008 jyly 8 komanda arasynda 10 upaı jınap, altynshy orynǵa taban tiregen edi. 2012 jyly alty komanda arasynda 4 upaımen besinshi, 2016 jyly alty komanda arasynda 5 upaımen besinshi oryn aldy. Bıyl odan joǵary nátıjege qol jetkizýge múmkindigi bar. Ony búgingi oıyn barysy tarazylaıtyn bolady.
Shotlandııa jáne Qazaqstan quramalary arasyndaǵy kezdesý elorda ýaqytymen 01.45-te bastalady. Bul oıyn Qazsport telearnasynan tikeleı efırde kórsetiledi. Sondaı-aq, búgin I tobynda Belgııa men Kıpr, San-Marıno men Reseı quramalary kezdesedi.
- Bokstan álem chempıony Bekzat Nurdáýletov áskerı boryshyn óteýge attandy
- ıÝlııa Galysheva álem kýbogy kezeńinde kúmis júldeger atandy
- Oralda dzıýdodan respýblıkalyq týrnır márege jetti
- Bokstan Qazaqstan quramasy Kýbamen birlesken jıyn ótkizedi
-
Gennadıı Golovkın ІІM-niń medalimen marapattaldy
-
XIX qysqy Sýrdlımpıadanyń ashylý saltanaty ótti
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam