+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Eýro-2020: Qazaqstan San-Marınony jeńe ala ma

2019 jylǵy 16 qarasha 20:19
Bólisińiz:
Eýro-2020: Qazaqstan San-Marınony jeńe ala ma

NUR-SULTAN. QazAqparat - Búgin fýtboldan Qazaqstan quramasy 2020 jylǵy Eýropa chempıonaty irikteý satysyndaǵy toǵyzynshy týr oıynyn syrt alańda San-Marınoǵa qarsy ótkizedi, dep habarlaıdy QazAqparat tilshisi.

Uqsas jańalyqtar
Fýtbol: Ulttar lıgasynda Qazaqstan qaı sebette ornalasady Fýtbol: «Astana» halyqaralyq týrnırge qatysady Qazaqstan ÝEFA reıtınginde bir satyǵa kóterildi

Esterińizge sala ketelik, eki qurama bıylǵy 11 maýsymda elordada bir márte kezdesip úlgerdi. Bul kezdesýde qazaqstandyq fýtbolshylar qarsylasyn 4:0 esebimen tize búktirgen bolatyn.

San-Marıno - álemdegi eń shaǵyn memlekettiń biri. Bul el dúnıe júzinde jer kólemi jóninen 190-oryndy ıelenedi. Halyq sany - 33 myńnan astam. Atalmysh memleket Italııanyń ortasynda oryn tepken. San-Marıno fýtbol federatsııasy 1931 jyly qurylǵan. Degenmen, FIFA jáne UEFA quramyna 1988 jyly qabyldandy. Olar - álemdegi eń álsiz quramanyń biri. FIFA-nyń sońǵy reıtınginde eń sońǵy orynda tur.

San-Marıno quramasy búginge deıin álem chempıonaty irikteý kezeńinde barlyǵy 66 oıyn ótkizdi. Nátıjesinde eki márte teń túsip, qalǵanynyń barlyǵynda qarsylasyna ese jiberdi. Alǵash ret 1993 jyldyń 10 naýryzynda óz alańynda Túrkııamen 0:0, odan keıin 2001 jyldyń 25 sáýirinde syrt alańda Latvııamen 1:1 esebimen teń tústi. Qarsylastar qaqpasyna 11 márte gol soǵyp, óz qaqpasyna 310 dop jiberip aldy. Atalmysh týrnırde olardyń eń iri jeńilisi retinde 2001 jyldyń 28 aqpanynda syrt alańdaǵy Belgııamen ótken oıyndaǵy 1:10 esebi tirkelip otyr.

San-Marıno quramasy Eýropa chempıonaty irikteý satysynda barlyǵy 70 oıyn ótkizdi. Olar bir márte óz alańynda 2014 jyldyń 15 qarashasynda Estonııamen 0:0 esebimen teń túsip, qalǵanynyń barlyǵynda jeńildi. Bul týrnırdegi eń iri jeńilisinde 2006 jyldyń 6 qyrkúıeginde Germanııaǵa 0:13 esebimen jol bergen.

Bıylǵy irikteý satysynda San-Marıno segiz kezdesýdiń barlyǵynda qarsylasyna ese jiberdi. Qarsylastar qaqpasyna birde-bir gol soǵa alǵan joq. Esesine óz qaqpasyna barlyǵy 43 gol jiberip aldy. San-Marıno quramasy Belgııa jáne Reseıden bir kezdesýde toǵyz-toǵyzdan gol jiberip aldy.

FIFA reıtınginde San-Marıno eń sońǵy 209 orynda tur. Bul atalmysh quramanyń áleýeti qandaı ekenin kórsetedi. San-Marıno jáne Qazaqstan quramalary arasyndaǵy kezdesý elorda ýaqytymen 23.00-de bastalady. Kezdesý Qazsport telearnasynan tikeleı efırde kórsetiledi.

Sondaı-aq, búgin I tobynda Reseı men Belgııa, Kıpr men Shotlandııa quramalary kezdesedi.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT