+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Eýro-2020: Qazaqstan quramasy Kıprdi jeńe ala ma

2019 jylǵy 10 qazan 09:27
Bólisińiz:
Eýro-2020: Qazaqstan quramasy Kıprdi jeńe ala ma

NUR-SULTAN. QazAqparat - Búgin fýtboldan 2020 jylǵy Eýropa chempıonatynyń irikteý satysyndaǵy 7-týr oıyndary ótedi. Dop dodasynda I tobynda synǵa túsip jatqan Qazaqstan quramasy óz alańynda Kıprdi qabyldaıdy, dep habarlaıdy QazAqparat tilshisi.

Qazaqstandyq fýtbolshylar Kıpr quramasymen 6 qyrkúıekte bir márte kezdesip úlgerdi. Bul oıynda qos qurama 1:1 esebine qanaǵat bildirip tarqasty. Kezdesý barysynda qazaqstandyq shabýylshy Alekseı etkın 2-mınýtta esep ashty. Oǵan Kıpr shabýylshysy Pıeros Sotırıý 40-mınýtta bir golmen jaýap qaıyrdy. Aıta keterligi, buǵan deıin quramalar eki márte joldastyq kezdesý ótkizdi. Eki oıynda da kıprlikter jeńiske jetken bolatyn.

Eske sala keteıik, qazaqstandyq fýtbolshylar atalmysh qarsylasymen buǵan deıin syrt alańda kezdesken edi. Búgingi oıynda qos qurama Qazaqstanda tuńǵysh márte jasyl alańǵa shyǵady.

Qazaqstandyq qurama Eýropa chempıonatynyń irikteý satysyn sátti bastady. Alǵashqy oıynda óz alańynda Shotlandııany 3:0 esebimen tize búktirdi. Odan keıin Reseıge 0:4 esebimen jol berdi. Kelesi kezdesýde Belgııaǵa syrt alańda 0:3 esebimen ese jiberip, sosyn elordada San-Marınodan 4:0 esebimen basym tústi. Besinshi kezdesýinde syrt alańda Kıprmen 1:1 esebimen teń tússe, Reseıge sońǵy mınýttarda 0:1 esebimen jol berip qoıdy.

Al Kıpr aldymen San-Marınony 5:0 esebimen jeńse, sosyn Belgııaǵa 0:2 esebimen jeńilip qaldy. Budan keıin syrt alańda Shotlandııaǵa 1:2, Reseıge 0:1 esebimen jol berdi. Qazaqstanmen teń oıynnan keıin syrt alańda San-Marınony 4:0 esebimen jeńip qaıtty.

Aıta keterligi, eki quramanyń enshisinde qazir jeti-jetiden upaı bar. Mamandar búgingi kezdesýde qaı qurama jeńiske jetse sol quramanyń úshinshi oryn alý múmkindigi zor ekenin aıtady. Jalpy, úshinshi orynnan olardan basqa Shotlandııa quramasy da úmitker ekenin aıta ketkenimiz artyq bolmas.

Búginde Kıpr quramasyna ızraıldik maman Ran Ben-Shımon jetekshilik etedi. Ol quramaǵa 2017 jyldan beri jetekshilik jasap keledi. Ol Qazaqstanmen kezdesýde óz shákirtteri baryn salatynyn jetkizip otyr. Qos quramanyń deńgeıi birdeı ekenin moıyndaǵan ol búgingi kezdesýde shákirtteriniń jeńiske jetý jolyn izdeıtinin aıtady.

Qazaqstan quramasynyń bas bapkeri Mıhal Bılek te qarsylasyna ese jibermeýge nazar aýdaratynyn tilge tıek etti. Budan burynǵy oıyndarda jasyl alańǵa quramǵa birqatar ózgertý engizgen cheh mamany úsh upaı oljalaý basty maqsat ekenine toqtalyp ótti. Aldaǵy oıyndarda qazaqstandyq quramanyń upaı qoryn tolyqtyrýǵa múmkindik mol. Onyń shákirtteri 13 qazanda elordada Belgııany qabyldaǵannan keıin syrt alańda 16 qarashada San-Marınomen kezdesse, irikteý satysyn 19 qarashadaǵy Shotlandııa quramasymen kezdesýimen túıindeıdi.

Qazaqstan jáne Kıpr quramalary arasyndaǵy kezdesý búgin elordadaǵy «Astana-arena» stadıonynda Nur-Sultan ýaqytymen 20.00-de bastalady. Oıyn QazSport telearnasynan tikeleı efırde kórsetiledi.

Sondaı-aq, búgin I tobynda Reseı men Shotlandııa, Belgııa men San-Marıno oıyndary ótedi. Al 13 qazanda Qazaqstan men Belgııa kezdesse, Kıpr men Reseı, Shotlandııa men San-Marıno sheberlik baıqasady.

Foto:kff.kz

Bizdiń kanalymyzǵa jazylyńyz:

Basty sózder: Nur-Sultan, Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT