+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Eýro-2020: Qazaqstan quramasy Belgııanyń osal tusyn taba ala ma

2019 jylǵy 13 qazan 11:13
Bólisińiz:
Eýro-2020: Qazaqstan quramasy Belgııanyń osal tusyn taba ala ma

NUR-SULTAN. QazAqparat – Búgin fýtboldan Qazaqstan quramasy 2020 jylǵy Eýropa chempıonaty irikteý kezeńiniń I tobyndaǵy kezekti oıynyn Belgııa quramasyna qarsy ótkizedi, dep habarlaıdy QazAqparat tilshisi.

Jankúıerler Belgııa quramasynyń áleýeti qandaı ekenin jaqsy biledi. Qurama sapynda qanshama juldyz bar. Olardyń qatarynda qaqpashy Tıbo Kýrtýa, qorǵaýshylar - ıAn Vertongen men Tobı Alderveıreld, jartylaı qorǵaýshylar - Kevın de Breıne men Aksel Vıtsel, shabýylshylar - Romelo Lýkaký men Eden Azardy aıtýǵa ábden bolady. Bul fýtbolshylar álemniń úzdik quramalarynda oınaıdy. Kezdesý barysynda qarsylastaryna kóbirek «jumys» taýyp berip jatady.

Bıylǵy Eýropa chempıonatynyń irikteý kezeńinde Belgııa búgingi kúnge deıin birde-bir upaıdy shashaý shyǵarǵan joq. Qarsylastar qaqpasyna barlyǵy 28 gol soqsa, óz qaqpasyna nebári bir ǵana gol jiberip aldy. Belgııa fýtbolshylary irikteý kezeńin osy qarqynmen aıaqtaýdy josparlap otyr. Oǵan jetýge jaqyn turǵan jaıy bar. Endi qalǵan úsh kezdesýde upaı joǵaltpasa qajetti upaıdy tolyqtaı qorjynǵa salady. Aıta keterligi, olar qazirdiń ózinde Eýropa chempıonaty fınaldyq kezeńine joldamany qaltaǵa basty. Endi qalǵan oıyndarda upaı qorjynyn tolyqtyrýǵa kúsh salatyny anyq.

Qazaqstan men Belgııa quramalary bıylǵy irikteýde bir márte kezdesip úlgerdi. Belgııa astanasy – Brıýssel qalasynda 8 maýsymda ótken oıynda alań ıeleri Qazaqstan quramasyn 3:0 esebimen jeńdi. Jalpy, eki komanda buǵan deıin de birneshe márte sheberlik baıqasqan edi. Olardyń barlyǵy Eýropa chempıonatyna irikteý kezeńi bolatyn. Eki qurama alǵash 2006 jyldyń 16 tamyzynda Belgııada kezdesti. Bul kezdesýde jankúıerlerdi tańǵaldyrǵan nátıje tirkeldi. Qazaqstan quramasy atalmysh qarsylasymen 0:0 esebimen teń oınady. 2007 jyldyń 12 qyrkúıeginde Almatyda ótkizilgen qarymta oıynda eki qurama 2:2 esebine qanaǵat bildirdi. Osylaısha, Belgııa 2008 jylǵy Eýropa chempıonatyna irikteý oıyndarynda Qazaqstan quramasyn birde-bir márte jeńe almaǵan edi.

Eki quramanyń 2012 jylǵy Eýropa chempıonatyna irikteý kezeńinde taǵy da joly túıisti. Bul joly Belgııa qazaqstandyq fýtbolshylardy óz alańynda 4:1 esebimen jeńse, elordada 2:0 esebimen basym tústi.

Búgingi kezdesý qalaı ótedi? Bul jankúıerlerdi qyzyqtyryp otyrǵan jaıy bar. Qazaqstandyq fýtbolshylar jankúıerler kútken nátıjege qol jetkize ala ma? Ony oıyn barysynda baǵamdaıtyn bolamyz.

Atalmysh kezdesý elorda ýaqytymen 19.00-de «Astana-Arena» stadıonynda bastalady. Oıyn QazSport telearnasynan tikeleı efırde kórsetiledi.

Aıta keteıik, búgin sondaı-aq I tobynda Kıpr men Reseı, Shotlandııa men San-Marıno quramalary kezdesedi.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT