+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Eýrazııa medıa forýmy halyqaralyq formattaǵy yntymaqtastyq kókjıegin keńeıtedi – Toqaev

2021 jylǵy 16 qyrkúıek 12:08
Bólisińiz:
Eýrazııa medıa forýmy halyqaralyq formattaǵy yntymaqtastyq kókjıegin keńeıtedi – Toqaev

NUR-SULTAN. QazAqparat – QR Memlekettik hatshysy Qyrymbek Kósherbaev QR Prezıdenti Qasym-Jomart Toqaevtyń XVII Eýrazııalyq medıa forým qatysýshylaryna quttyqtaý lebizin oqyp berdi, dep habarlaıdy QazAqparat tilshisi.

Uqsas jańalyqtar
Memleket basshysy Qasym-Jomart Toqaev akademık Serik Qırabaevtyń otbasyna kóńil aıtty Qazaqstan delegatsııasy klımat ózgerýi jónindegi BUU konferentsııasyna qatysady QR Prezıdentiniń Túrikmenstanǵa jasaǵan memlekettik sapary boıynsha vıdeosholý jarııalandy

«Sizderdi XVII Eýrazııa medıa forýmsyda kórgenime qýanyshtymyn. 19 jyl ishinde forým búkil aımaqtyń jetekshi medıaplatformalarynyń birine aınaldy. Bul shara dástúrli túrde talantty jýrnalıster men medıamenedjerlerdi, tanymal saıasatkerler men bedeldi sarapshylardy biriktiredi. Al forýmda talqylanatyn máseleler aýqymy medıa salasynan áldeqaıda asyp ketti», - dedi Memleket basshysy.

«Tutastaı qamtylǵan jahandyq transformatsııa, irgeli ózgerister men áleýmettik protsester kezeńinde barynsha ótkir máselelerdi ashyq talqylap, olardy sheshý joldaryn birge tabý burynǵydan da mańyzdy bop otyr. Koronadaǵdarystyń bastalýymen búkil álemde sapaly aqparatqa qoǵamdyq suranys kúsheıe tústi, jalǵan aqparatpen kúresýdiń shuǵyl qajettigi týyndady. Forým osy baǵyttaǵy ózekti úrdister men tásilderdi talqylaýǵa tamasha múmkindik beredi», - dep atap ótti Prezıdent.

Qasym-Jomart Toqaevtyń aıtýynsha, jańa realııalar medıasferanyń aldyna jańa mindetter qoıyp otyr, onyń bolashaǵy atalǵan mindetterdiń sheshilýine baılanysty.

Tsıfrlandyrý protsesi de aıtarlyqtaı jedeldedi.

Aýdıtorııanyń qalaýy men ádetteri jyldam ózgerýde, aqparat berýdiń jańa formattary paıda bolyp, áleýmettik jeliler ózgerip keledi.

«Bul máseleni kásibı turǵydan talqylaý BAQ-tyń damýyna jańa serpin beredi dep esepteımin. El Táýelsizdiginiń 30 jyldyǵyna arnalǵan sessııa da mazmundy bolatynyna senimdimin. Qazaqstannyń júıeli jańǵyrý joly men halyq birligin saqtaýdyń biregeı tájirıbesi erekshe nazar aýdarýǵa laıyq. Bizdiń memleketimizdiń strategııalyq baǵytynyń mańyzdy quramdas bóligi – ashyq dıalog pen jan-jaqty áriptestik. Bul rette forým zamanaýı medıatrendterdi uǵynýǵa ǵana emes, halyqaralyq formattaǵy yntymaqtastyq kókjıegin keńeıtýge de yqpal etedi deýge bolady. Qazaqstan árdaıym syndarly kún tártibin ilgeriletýge múddeli jáne barlyq salada, sonyń ishinde medıa jáne kreatıvti ındýstrııa salasynda birlesken jobalardy iske asyrýǵa daıyn», - dedi Qasym-Jomart Toqaev.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT