Estonııada benzın baǵasy jańa rekordtyq kórsetkishke jetti
2022 jylǵy 2 maýsym 14:51

Estonııada benzın baǵasy jańa rekordtyq kórsetkishke jetti

NUR-SULTAN. QazAqparat – 1 maýsymnan bastap Estonııada janarmaı baǵasynyń kúrt ósýi baıqaldy. Bir aptada baǵa ortasha eseppen 2-3% kóterildi, dep habarlady QazAqparat tilshisi ERR-ǵa silteme jasap.

Joǵary suranysqa ıe AI-95 benzıniniń quny lıtrine 2,079-dan 2,119 eýroǵa deıin ósti. Bul rette 18 mamyrda otynnyń bul túriniń baǵasy lıtri úshin 2,059 eýroǵa kóterilgen kezde baǵa rekordtyq sanalǵan edi.

Dál osyndaı jaǵdaı AI-98 markaly benzınge de qatysty. Ol lıtrine 2,129 eýrodan 2,169 eýroǵa deıin qymbattap, aptalyq ósim 1,8% kórsetti.

Eń joǵary kórsetkish dızel otynyna tirkeldi. Onyń baǵasy lıtrine 1,889 eýrodan 1,949 eýroǵa deıin, ıaǵnı 3% artty.

Estonııada janarmaı baǵasynyń qymbattaýy álemdik naryqtaǵy munaı baǵasynyń kóterilýine baılanysty bolyp otyr. Ol barreline 120 dollardy qurap, eń joǵary deńgeıge jetti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT