Esirtkiniń transulttyq arnasyn joıý kezinde 13 qazaqstandyq ustaldy - QR ІІM
2022 jylǵy 16 mamyr 12:00

Esirtkiniń transulttyq arnasyn joıý kezinde 13 qazaqstandyq ustaldy - QR ІІM

NUR-SULTAN. QazAqparat – Bıyl elimizde myńǵa jýyq esirtki qylmysynyń beti ashyldy. Bul týraly QR ІІM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıev málim etti, dep habarlaıdy QazAqparat tilshisi.

«Jaqynda Qazaqstan men Reseıdiń ishki ister mınıstrlikteri eki eldiń aýmaǵynda sıntetıkalyq esirtkilerdi jetkizýdiń transulttyq arnasyn jabý boıynsha arnaıy operatsııany aıaqtady. Ol operatsııa ótken jyldyń sońynan bıylǵy jyldyń sáýir aıy aralyǵynda ótkizildi. Omby men Tarazda bir mezgilde júrgizilgen is-sharalardyń nátıjesinde, sıntetıkalyq esirtkiniń Reseıdegi negizgi jóneltýshisi jáne olardy Qazaqstanda qabyldap alýshy ustaldy», - dedi A. Muhametqalıev.

Onyń aıtýynsha, osy operatsııa kezinde esirtki óndirgeni jáne taratqany úshin Qazaqstannyń 13 azamaty ustaldy. Almaty, Altaı, Aqtóbe, Atyraý, Taraz jáne Qyzylorda qalalarynda 7 esirtki zerthanasy joıyldy.

«Jalpy quny 9,5 mln AQSh dollarynan asatyn 260 keliden astam daıyn esirtki tárkilendi. Asa aýyr qylmys retinde 15 jyldan jáne ómir boıyna bas bostandyǵynan aıyrýǵa deıin jaza eskerilgen», - dedi vedomstvo ókili.

Budan buryn hbarlanǵandaı, bıyfl 4 aıda elimizdiń aýmaǵynda 11 esirtki zerthanasy joıyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT