+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Esirtkimen kúres máselesi «nurotandyq» depýtattardyń qatysymen talqylandy

2009 jylǵy 21 tamyz 12:06
Bólisińiz:
Esirtkimen kúres máselesi «nurotandyq» depýtattardyń qatysymen talqylandy

ORAL. Tamyzdyń 21-i. QazAqparat /Ǵaısaǵalı Eraly/ - «Nur Otan» HDP BQO fılıalynyń oblystyq máslıhattaǵy depýtattyq fraktsııasy májilisinde esirtkimen kúres máselesi talqylandy,

dep habarlaıdy QazAqparat tilshisi.

Qazirgi kezde óńirde nashaqorlyqpen jáne esirtki bıznesimen kúrestiń 2008-2010 jyldarǵa arnalǵan aımaqtyq baǵdarlamasy júzege asyrylýda. Osyǵan oraı oblystyq bıýdjetten 40 mıllıonnan astam teńge bólinip otyr. Soǵan qaramastan, esirtki qylmysy tyıylar emes. BQO ishki ister departamenti esirtki bıznesimen kúres basqarmasynyń bastyǵy Tóleýǵalı Erǵalıevtiń atap ótkenindeı, tek bıyldyń ózinde jıyrmadan astam esirtki núktesi men eki uıasy áshkerelendi. Esirtki zattaryn zańsyz ósirýdiń eki faktisi anyqtalyp, saýdany qyzdyrǵan bir qylmystyq toptyń joly kesildi. Jyl saıyn tárkilengen esirtki zattarynyń kólemi de ulǵaıyp otyr.

Oblys aýmaǵynda esirtkige táýeldi 1659 adam tirkelgen. Atalmysh jıynda esirtkige táýeldilerdi medıtsınalyq-áleýmettik saýyqtyrý ortalyǵynyń dırektory Erlan Shombalov bilim salasy mekemelerinde esirtkimen kúrestiń tıimsiz ekendigine nazar aýdardy. Sol sebepti depýtattyq fraktsııa oblystyq bilim, densaýlyq saqtaý basqarmalaryna prokýratýra, balalar quqyǵyn qorǵaý departamentimen kelise otyryp, oqýshy jastardy erikti túrde narkologııalyq testiden ótkizý múmkindigin qaraýdy usyndy. Bul derttiń aldyn alý úshin aqparattyq-nasıhat jumysyn shıratý, emdeýden ótkenderdi jumysqa ornalastyrý máseleleri de qozǵaldy.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT