Esirtki satýshy 32,5 keli gashıshti Qaraǵandyǵa poıyzben jetkizbek bolǵan
2022 jylǵy 21 qańtar 09:14

Esirtki satýshy 32,5 keli gashıshti Qaraǵandyǵa poıyzben jetkizbek bolǵan

QARAǴANDY. QazAqparat - Polıtseıler Qaraǵandyǵa gashıshtiń iri partııasyn ákelmek bolǵan Jambyl oblysy Shý aýdanynyń týmasyn ustap, ýaqytsha ustaý ızolıatoryna qamady, dep habarlaıdy QazAqparat Polisia.kz-ke silteme jasap.

ІІM Esirtki qylmysyna qarsy kúres departamentiniń bastyǵy Erlan Omarbekov túsindirgendeı, kúdikti qylmys daıyndalǵan sátten bastap baqylaýǵa alynǵan. Onyń Qaraǵandyǵa poıyzǵa bılet satyp alǵany týraly aqparat túsken boıda ustaý sharalary qolǵa alyndy. Al tańǵy saǵat 5:00-te kúdiktini qalaǵa kelgen boıda oblystyq esirtki qylmysyna qarsy kúres basqarmasynyń qyzmetkerleri qolǵa túsirdi. Odan jol sómkesi tárkilendi, onyń ishinde 32,5 keliden astam gashısh salynǵan úsh paket bolǵan. Vedomstvo tárkilengen gashıshtiń asa iri mólsherde ekenin jáne onyń múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy qarastyrylatynyn atap ótti.


Jańalyqtar

MURAǴAT