+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Eshkim aqsha aýdarymdary úshin komıssııa alýdy oılap otyrǵan joq - mınıstr

2019 jylǵy 14 qarasha 21:59
Bólisińiz:
Eshkim aqsha aýdarymdary úshin komıssııa alýdy oılap otyrǵan joq - mınıstr

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev qolma-qol aqshasyz aýdarymdarǵa qatysty pikir bildirdi, dep habarlaıdy QazAqparat tilshisi.

«Meniń bilýimshe, bul másele boıynsha qazir bir naqtylyq joq. Aıtarym, jeke tulǵalar buǵan qatysty alańdamaýy kerek. Eshkim de aqsha aýdarymdary úshin qandaı da bir komıssııa alýdy oılap otyrǵan joq. Qarjy mınıstri búgin ol týraly málimdeme jasady. Sondyqtan, bul jerde túsiniksiz másele bolmaýy tıis», - dedi Dáýren Abaev «Ashyq dıalog» baǵdarlamasynda.

Mınıstr óz sózinde kún tártibine bul máseleniń shyǵýynyń ózi – ekonomıkany qolma-qol aqshasyz aıyrymyna aýystyrý boıynsha orasan zor jumystyń arqasy ekenin atap ótti.

«3-4 jyl buryn ǵana bank kartalary arqyly mundaı aqsha aýdarymynyń kólemi kóp bolǵan emes. Búgin ásirese iri qalalarda – qolma-qol aqshamen esep aıyrysý deńgeıi qysqarǵan. Bári de tranzaktsııaǵa kóship ketti. Árıne, osynyń arqasynda bizdiń ekonomıkanyń ashyqtyǵy arta túsedi. Sonymen birge, Qarjy mınıstrliginiń alańdap otyrǵanyn da túsinýge ábden bolady. Qazir dúkender men shashtarazdardyń, basqa da oryndardyń klıentteri satyp alýshynyń kartasymen óz kartasy arqyly esep aıyrysady. Osylaısha, kelisim somasynda salyq aýdarý esepke alyna bermeıdi. Bul álbette, usaq-túıek esep. Biraq, búkil elde ósip bara jatqan aqsha aýdarymy operatsııalarynyń aýqymyn alar bolsaq, árıne bizdiń fıskaldy organdar suraqtaryn qoıa bastaıdy. Olar bul máseleni sheshýi kerek», - dedi ol.

Eske sala ketsek, Premer-mınıstrdiń birinshi orynbasary - Qarjy mınıstri Álıhan Smaıylov halyqtyń qolma-qol aqshasyz aýdarymdaryna qatysty pikir bildirgen bolatyn.

Qarjy mınıstrligi mundaı aýdarymdardan eshqandaı qosymsha tólem nemese salyq alýdy josparlap otyrǵan joq. Ásirese jeke tulǵalardyń qolma-qol aqshasyz aýdarymdaryn tekserý – eshqandaı josparda joq», - deıdi Premer-Mınıstrdiń birinshi orynbasary.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT