+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Erjan Maksımniń anasy: «Balalar Eurovision» baıqaýyna qatysýǵa birden kelisken joqpyz

2019 jylǵy 22 qarasha 16:35
Bólisińiz:
Erjan Maksımniń anasy: «Balalar Eurovision» baıqaýyna qatysýǵa birden kelisken joqpyz

NUR-SULTAN. QazAqparat - «Junior Eurovision Song Contest 2019» halyqaralyq án baıqaýyna qatysý usynysyna birden kelisken joqpyz. Tanymal jas ánshi Erjan Maksımniń anasy Gúlmıra Álibek osylaı málim etti, dep habarlaıdy QazAqparat.

Uqsas jańalyqtar
Bizde selqostyq bar – Ashat Maemırov Erjan Maksımge jetpeı qalǵan daýys jaıly Mınıstr Erjan Maksımge: Álemniń qazaq mádenıetin tanýǵa degen qushtarlyǵyn oıattyńyz Erjan Maksım qoldaý bildirgen otandastaryna alǵys aıtty

Erjan Maksım – Reseıdiń eń tanymal, aýqymdy «Golos.Detı» jobasynyń jeńimpazy, talantty qazaqstandyq jas ánshi. Atalmysh shoýdyń fınalyna jetken jas órenge myńdaǵan tyńdarman daýys berip, nátıjesinde ol asqan tanymaldylyqqa ıe boldy. Boıyndaǵy talantymen tyńdarmandy tánti etken 12 jasar Erjan 24 qarashada Polshanyń Glıvıtse qalasynda ótetin «Junior Eurovision Song Contest 2019» halyqaralyq án baıqaýynda Qazaqstannyń namysyn qorǵaıdy. Búginde ol «Balalar Eýrovıjn» baıqaýyna qyzý daıyndyq ústinde. Bul joly biz Erjannyń eń jaqyny,eń alǵash tyńdarmany, qoldaýshysy, kómekshisi, anasy Gúlmıra Álibekpen suhbattasqandy jón kórdik.



- Armysyz, Gúlmıra hanym. Onsyz da daıyndyqpen qaýyrt bolyp jatqan ýaqytyńyzdy bólip, suhbatymyzǵa keliskenińiz úshin kóp rahmet. Erjannyń jaǵdaıy jaqsy ma? Polshadasyzdar ma? Glıvıtse qalaı?

- Sálemetsizder me. Oqasy joq. Erjan balam shúkir jaqsy, rahmet. Iá, Polshadamyz.Glıvıtse aman esen.

- Ádetten ozbaı, suhbatymyzdy basynan bastasaq. Erjan Maksım 3 jasynan án aıtyp, kópshilik kózine túse bastaǵanyn aıtqan bolatynsyz. Ánshilik ónerge aıaq basýyn esińizge alyńyzshy..



- Erjan 3 jasynan bastap estý qabiletimen kózge túsip, kez kelgen áýenge, ánge ilesip ketetin. Bir kúni ákesiniń 40 jas mereı toıynda,qonaqtardyń aldynda eki ánin jandy daýysta aıtty. Eshqandaı qysylmastan, sonda bar týystarymyz, dostarymyz qoldap, myna balany bir jerge aparyńyzdar, damytyńyzdar talabyn dep aıtqannan keıin, oǵan deıin de oıymyzda bolǵan, Oral qalalyq mádenıet úıiniń vokal úıirmesine apardyq. Darııa Baqytova jetekshisi boldy. Sodan bastaldy. 7 jasynan bastap baıqaýlarǵa qatysyp. Júldeli oryndarǵa ıe bola bastady. Qazirgi tańda alǵan marapattary, jetistikteri kóp,shúkir.

- Qatelespesem, Erjan, ákesi , ózińiz Máskeýde turyp jatyrsyzdar..

- Iá, qaı ata-ana bolsyn, qashan da balasynyń baqyty úshin kúresýi – zańdy. Dál osy maqsatta, balamyzdy qoldap qazirgi kezde Máskeý qalasynda, Reseıde turyp jatyrmyz. Erjan reseılik kompozıtor Igor Krýtoıdyń akademııasynda bilim alýda. Ázirge, jaǵdaı solaı.

- «Junior Eurovision Song Contest 2019» halyqaralyq án baıqaýyna óz eliniń atynan qatysýǵa usynys túskende, Erjan birden kelisimin berdi me?

- Joq, Erjan birden kelisimin bergen joq. Biraz oılandy. Sebebi ondaǵy úlken jaýapkershiliktiń júgin sezdi, bildi.Reseıde bolǵan «Golos Detı» jobasynyń sońynda oryn alǵan úlken kelispeýshilikten, daý-damaıdan keıin birden osyndaı usynys túsken kezde, otbasymyzben oılandyq, aqyldastyq. Endi usynys jasalǵan eken, bul kezeńnen de ótip kóreıik dep sheshtik. Sodan kelisimimizdi berdik.




- Óner joly – aýyr dep jatady. Sondyqtan da bolar, bir sát Erjannyń bala ekenin umytyp ketemiz bárimiz. Bala bolyp bir sát oınaıdy ma ózi? Ýaqyty bar ma oǵan?

- Durys aıtasyz, óner joly óte qatal,óte aýyr jol. Minezine de áserin tıgizip jatady. Sondyqtan árdaıym onyń aldyn alýǵa tyrysyp jatamyz. Árıne bala bolyp oınaǵysy keledi. Ákesi ekeýmiz oınatýǵa aparyp ta turamyz, qalaǵan zattaryn alyp berip turamyz. Barlyǵyna úlgerýge tyrysyp júremiz. Ras bala bolyp oınaýǵa ýaqyty bola bermeıdi. Biraq onyń ornyn toltyrýǵa tyrysamyz.

- Erjannyń kópshilikke óte salmaqty, sabyrly bolyp kórinetini jasyryn emes. Baıqaý aldyndaǵy ishki qobaljýy bar ma? Sizben bólise me?

- Erjan óte emotsııaǵa berik, óte sezimtal dep aıtsam bolady. Ózine artylǵan jaýapkershilikti túsinip júr. Ol bundaı jaýapkershilikti burynnan da túsinetin bala. Óıtkeni talaı baıqaýlarǵa qatysyp júr. Biraq bul jolǵy búkil álem kóz tigip otyrǵan baıqaýdyń júginiń erek ekenin uǵynyp júr. Іshki qobaljýy, tolqynysymen menimen únemi bólisip otyrady. Ózimniń mamandyǵym psıholog bolǵandyqtan, ol jaǵynan balammen únemi ashyq áńgimeler júrgizip otyrýǵa tyrysamyn.

- Erjan Maksımniń anasy bolý ońaı ma?! Qazirgi onyń suranysqa ıe ánshiler qatarynda bolýyna oraı týyndap otyr bul suraǵym..

- Erjan Maksımniń anasy bolý – ońaı dep aıta almaımyn. Óıtkeni qıyn jaǵdaılar da bolyp turady. Óıtkeni men tek Erjan Maksımniń anasy emes, sonymen qatar qazirgi tańda prodıýserlik jumystardy da atqaryp júrmin. Balamnyń jaǵdaıyn jasaý, onyń grafıgin toltyryp otyrý, aldaǵy bolatyn sharalardy josparlaý - osynyń barlyǵy keıde qıyndyq týǵyzady. Minekı, aldyda kele jatqan úlken jaýapkershilik tur. Soǵan balany psıhologııalyq turǵyda daıyndaý, osynyń barlyǵy meniń moınymda. Sebebi men tek qana Erjannyń anasy emes, qoldaýshysy da, jaqyny da,janashyry da, syrlasy da, prodıýseri de bolýǵa tyrysamyn.

- Erjan Maksım qazir neni armandaıdy?

- Balamnyń qazirgi armany - «Junior Eurovision Song Contest 2019» baıqaýynan jeńispen oralý. Al jalpy ómirde armandary kóp, sonyń biri – álemdik juldyz bolý, osy qazaq eliniń atyn dúnıe júzine pash etý. Bolashaqta úlken mýzykalyq, prodsıýserlik ortalyqtar ashý sııaqty, taǵysyn taǵy úlken armandary bar.

- Al anasynyń armany qandaı eken?

- Al endi meniń armanym – osy balam maqsatyna jetse eken deımin. Meniń odan asqan armanym joq.Til-kózden aman bolyp, balam osylaı qazaqtyń atyn álemde abyroımen qorǵap júrse eken deımin. Ákesi ekeýmiz árdaıym óz balamyzǵa senemiz, úlken senim bildiremiz. Bul baıqaýda da óz ánin jaqsy oryndap shyǵady dep oılaımyz. Qazaqstandyqtar da, alys-jaqyn shet elderdegi Erjantaıymnyń tyńdarmandary da qoldaý bildirip, belsendi túrde daýys beredi dep úmittenemiz. Ózgeler syndy biz de, balamyzdan birinshi oryndy, jeńisti kútemiz.

Aıta keterligi, Qazaqstan 2019 jyldyń 24 qarashasynda Glıvıtse qalasy, Polshada ótetin halyqaralyq «Junior Eurovision Song Contest», án baıqaýyna ekinshi ret qatysady. 9 jastan bastap 14 jasqa deıingi ánshiler qatysatyn «Eurovision» analogynda elimizdi Erjan Maksım tanystyrady. Qazaqstannyń aýmaǵynda baıqaýdy «Habar» telearnasy translıatsııalaıtyn bolady. «Habar» Agenttigi 2016 jylǵy 1 qańtardan bastap is-sharany uıymdastyratyn Eýropalyq habar taratý odaǵynyń (EBU) qaýymdasqan múshesi, bul múshelik atalǵan baıqaýǵa qatysý úshin elden úmitker usynýǵa múmkindik berdi.

Bizdiń kanalymyzǵa jazylyńyz:

Basty sózder: Mádenıet, Óner,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT