+7 (701) 759 90 19
USD 409.19 EUR 461.24
RUB 5.67 CNY 58.26
Jańalyqtar

«Ertis» fýtboldan Qazaqstan chempıonatyna qatysýdan bas tartty

2020 jylǵy 30 mamyr 21:07
Bólisińiz:
«Ertis» fýtboldan Qazaqstan chempıonatyna qatysýdan bas tartty

NUR-SULTAN. QazAqparat - Pavlodardyń «Ertis» klýby fýtboldan Qazaqstan chempıonatyna qatysýdan bas tartty, dep habarlaıdy QazAqparat Qazaqstan kásipqoı fýtbol lıgasyna silteme jasap.

Uqsas jańalyqtar
«Bavarııa» 20-ret fýtboldan Germanııa kýbogynyń jeńimpazy atandy Fýtbol: Qazaqstan quramasy Chernogorııamen joldastyq kezdesý ótkizedi Fýtboldan Qazaqstan chempıonaty toqtatyldy

Kásipqoı fýtbol lıgasy atyna atalǵan komandadan ótinish túsken. Ótinishte fýtbol klýbynyń qamqorshylyq keńesiniń jalpy jınalysynda klýb tarapynan qarjy jáne sporttyq mindettemelerdi oryndaı almaıtyndyǵy jóninde sheshim qabyldanǵany jóninde aıtylǵan. Osyǵan baılanysty komanda 2020 jylǵy Qazaqstan chempıonatyna qatysýǵa bas tartqan.

«Qabyldanǵan ótinishke baılanysty «Ertis» fýtbol klýby chempıonatqa qatysýshylar tiziminen shyǵarylady. Fýtboldan Qazaqstan chempıonatyny reglamentiniń 4.18 pýnktine sáıkes eger de chempıonattan shyǵarylǵan klýb chempıonat barysynda 22 oıynnan kem kezdesý ótkizse (1-shi jáne 2-shi aınalymdy aıaqtamasa), onyń barlyq nátıjesi joıylady. Sonymen qatar «Ertis» klýbynyń bas komandasy Qazaqstan chempıonatyna qatysýǵa bas tartqany úshin klýbtyń jastar komandasy ekinshi lıga komandalary arasyndaǵy birinshilikke qatysa almaıdy. «Ertis» fýtbol klýbynyń barlyq oıyndary Chempıonattyń jańartylǵan kúntizbesinen alynyp tastalady», - dep málim etti Qazaqstan kásipqoı fýtbol lıgasy.

Esterińizge sala ketelik, komanda 1965 jyly qurylǵan. Qazaqstan chempıonatynda 1993, 1997, 1999, 2002, 2003 jyldarda chempıon atansa, 1994, 1996, 2004, 2012 jyldarda kúmis júldeger boldy. Al 1992, 1998, 2000, 2008, 2010, 2016 jyldarda qola júldege qol sozdy.

«Ertis» bıylǵy chempıonatta eki oıyn ótkizdi. Aldymen Qyzylordada jergilikti «Qaısardan» 0:1 esebimen jeńilse, odan keıin óz alańynda Petropavldiń «Qyzyljar» klýbymen 1:1 esebimen teń tústi. Týrnır kestesinde 1 upaımen toǵyzynshy orynda turǵan bolatyn.

Budan buryn fýtboldan Qazaqstan chempıonatyn jalǵastyrýdyń eki jospary anyqtalǵanyn habarlaǵan edik.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT