Erteńnen bastap mádenıet qyzmetkerleriniń jalaqysy 75 paıyzǵa ósedi
2022 jylǵy 30 maýsym 19:18

Erteńnen bastap mádenıet qyzmetkerleriniń jalaqysy 75 paıyzǵa ósedi

ShYMKENT. QazAqparat - 1 shildeden bastap «Ulttyq» mártebesi bar mádenıet mekemeleri qyzmetkerleriniń eńbekaqysy 75%-ǵa ósedi. Bul týraly Mádenıet jáne sport mınıstri Dáýren Abaev Shymkenttegi kezdesýde aıtty.

«Mádenıet jáne arhıv isi uıymdary qyzmetkerleriniń eńbekaqysy orta eseppen ár jyl saıyn 20%-ǵa ósetin bolady. Bul jumys 2025 jylǵa deıin júrgiziledi, ıaǵnı osy kezeńde eńbekaqy kólemi 100%-ǵa artady. Memleket basshysynyń Jarlyǵyna sáıkes 1 shildeden bastap «Ulttyq» mártebesi bar mádenıet mekemeleri qyzmetkerleriniń eńbekaqysy 75%-ǵa artatynyn atap ótkim keledi», – dedi Mádenıet jáne sport mınıstri Dáýren Abaev.

Mınıstrdiń aıtýynsha, elimizde kıno óndirisi qarqyndy damyp keledi. Máselen, «Qazaqfılm» kınostýdııasyn jańǵyrtý júzege asyrylyp jatyr, «Qazaqanımatsııa» shyǵarmashylyq birlestigin qurý boıynsha jumys júrgizilip otyr. Bul birlestik bıyl kórermenderge 10 pılottyq joba usynady. Reıtıngi joǵary anımatsııalyq fılmder men kınokartınalardy qazaq tiline dýblıajdaýǵa qarajat bólinedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT