Erteń «Tobyl» UEFA Chempıondar lıgasynda  alǵashqy matchyn ótkizedi
2022 jylǵy 5 shilde 14:52

Erteń «Tobyl» UEFA Chempıondar lıgasynda alǵashqy matchyn ótkizedi

NUR-SULTAN. QazAqparat - Fýtboldan UEFA Chempıondar lıgasy birinshi irikteý satysyndaǵy qazaqstandyq «Tobyl» men Vengrııanyń «Ferentsvarosh» kezdesýiniń 6 shildede qaı ýaqytta bastalatyny belgili boldy, dep habarlaıdy QazAqparat tilshisi.

Atalǵan kezdesý elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.

Oıyn barysynda horvatııalyq Darıo Bel bas tóreshi qyzmetin atqarady. Oǵan otandastary Marıan Tomas pen Krýno Sharıch kómekshilik jasaıdy. Qosalqy tóreshi de horvatııalyq Tıhomır Peın.

Jup boıynsha jeńimpaz atanǵan komanda ekinshi irikteý satysynda «Slovan» (Slovakııa) men «Dınamo» Batýmı (Grýzııa) jubynyń jeńimpazymen sheberlik baıqasady.

Jeńilgeni Konferentsııa lıgasy ekinshi irikteý satysynda «Shkýpı» (Makedonııa) men «Lınkoln Red Imps» (Gıbraltar) jubynyń jeńilgen komandamen oınaıdy.

Eske salsaq, budan buryn fýtboldan Qazaqstan quramasy FIFA reıtıngisinde 11 catyǵa joǵarylady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT