Ernar Baspaev Prezıdent Ákimshiligi Basshysynyń orynbasary boldy

2022 jylǵy 9 jeltoqsan, 08:58
Ernar Baspaev Prezıdent Ákimshiligi Basshysynyń orynbasary boldy

ASTANA. QazAqparat - Memleket basshysy Qasym-Jomart Toqaevtyń Jarlyǵymen Ernar Jeńisuly Baspaev QR Prezıdenti Ákimshiligi Basshysynyń orynbasary bolyp taǵaıyndaldy, dep habarlaıdy QazAqparat Aqordaǵa silteme jasap.

E.Baspaev Qazaqstan Respýblıkasy Prezıdentiniń kómekshisi – QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi laýazymynan bosatyldy.

Eske salaıyq, Prezıdent Ákimshiligi Basshysynyń orynbasary bolǵan Málik Myrzalın búgin laýazymynan bosatylyp, Qazaqstannyń Grýzııadaǵy Elshisi qyzmetine taǵaıyndaldy.

Ernar Baspaev1979 jyly týǵan. Qazaq memlekettik zań akademııasyn, H.Dosmuhamedov atyndaǵy Atyraý memlekettik ýnıversıtetin, Reseı halyq sharýashylyǵy jáne memlekettik qyzmet akademııasyn bitirgen. Mamandyǵy boıynsha zańger, ekonomıka jáne bıznes bakalavry, iskerlik ákimshilendirý magıstri.

Eńbek jolyn 2001 jyly Qazaqstan Respýblıkasy Ádilet mınıstrliginde Avtorlyq quqyqtar jónindegi komıtettiń jetekshi mamany bolyp bastaǵan.

2002-2006 jyldary Ádilet mınıstrliginiń Tirkeý qyzmeti komıtetiniń halyqty tirkeý jumystaryn uıymdastyrý basqarmasynyń bas mamany, basqarma bastyǵynyń orynbasary;

2006-2010 jyldary Joǵarǵy Sot janyndaǵy Sot ákimshiligi komıtetiniń basqarma bastyǵy, Joǵarǵy Sot apparatynyń sektor meńgerýshisi, bólim meńgerýshisiniń orynbasary;

2010 jyly Atyraý oblysy boıynsha Ádilet departamentiniń jetekshisi;

2013-2019 jyldary Atyraý oblysy ákimi apparatynyń basshysy;

2019-2022 jyldary Qazaqstan Respýblıkasy Prezıdenti Ákimshiliginiń memlekettik ınspektory;

2022 jylǵy 13 sáýir – 2022 jylǵy 9 jeltoqsan Qazaqstan Respýblıkasy Prezıdentiniń kómekshisi – Ótinishterdi qaraýdy baqylaý bóliminiń meńgerýshisi.

2022 jylǵy 9 jeltoqsanda Qazaqstan Respýblıkasy Prezıdentiniń Ákimshiligi Basshysynyń orynbasary bolyp taǵaıyndaldy.

Foto: akorda.kz


Uqsas jańalyqtar
Seriktester jańalyqtary

Jańalyqtar