+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Ermek Marjyqpaev óńirde azyq-túliktiń baǵasyn muqııat qadaǵalaýdy tapsyrdy

2020 jylǵy 9 sáýir 02:00
Bólisińiz:
Ermek Marjyqpaev óńirde azyq-túliktiń baǵasyn muqııat qadaǵalaýdy tapsyrdy

KÓKShETAÝ. QazAqparat – Kókshetaýda et satyp alýshylar ettiń bir kelesiniń baǵasyn 2300 teńgege kóterip úlgergen. Qalanyń bazarlaryn aralaǵan aımaq basshysy Ermek Marjyqpaev azyq-túlik taýarlarynyń baǵasyn retteýdi qatań tapsyrdy, dep habarlaıdy QazAqparat tilshisi ákimdiktiń baspasóz qyzmetine silteme jasap.

Karantındik rejımge baılanysty qazirgi ýaqytta óńirlerden oblys ortalyǵyna kelip túsetin ettiń kólemi azaıyp ketken. Osynyń saldarynan satýshylar etti joǵary baǵamen sata bastaǵan. Aımaq basshysy mundaı jaǵdaıǵa jol berýge bolmaıtynyn atap ótti. Ol bekitilgen baǵa shegin qatań saqtaýdy talap etti. Qazirgi kezde, saýda oryndaryna etti úzdiksiz jetkizý qaıta jolǵa qoıyldy.

«Ortalyq bazar» aktsıonerlik qoǵamynyń dırektory Dmıtrıı Ignatevtiń aıtýynsha, et ónimderi boıynsha másele týyndaǵan. Oblys ortalyǵyna kiretin joldardaǵy blokposttarda et tasymaldaýshylarǵa arnaıy talaptar qoıyldy. Qazir bul másele rettelip, et tapshylyǵy joıyldy. Al, baǵaǵa kelsek, belgilengen shekti baǵany saqtaýǵa múmkindik bar, qymbatshylyqqa jol berilmeıdi.


Oblys ákimi Ermek Marjyqpaev komıssııada bekitilgen 9 túrli azyq-túliktiń árbireýiniń baǵasyn muqııat qadaǵalaý jáne saqtaý qajettigin atap ótti.

«Búginnen bastap blokposttardy aýyl sharýashylyǵy ónimderi, qurylys materıaldary, ónerkásiptik shıkizat kedergisiz ótkiziletin bolady. Bul – baǵanyń saqtalýyna kepildik beredi. Máselen, súıegi bar 1 keli ettiń shekti ortasha baǵasy aımaq boıynsha 1800 teńge turady jáne bul baǵa solaı saqtalady», – dedi aımaq basshysy.


Eske sala ketsek, budan bylaı kásipkerlerdiń azyq-túlik baǵasyn kóterýge quqy joq. Ár óńirde azyq-túlik taýarlarynyń 9 túrine shekti baǵalar bekitildi. Osylaısha, Aqmola oblysynda birinshi sortty bıdaı unynyń bir kelisi 148 teńge, birinshi sortty unnan pisirilgen 550 gramdyq bólke nany 88 teńge turady. Bir kılogramm sıyr eti 1800 teńgeden aspaýy kerek. Oramdaǵy makaron ónimeriniń bir kelisi 215, qaraqumyq jarmasy men kúrishtiń bir kelisi tıisinshe 339 jáne 307 teńge turýy tıis. Birinshi sanatqa jatatyn jumyrtqanyń ony 267 teńgeden, al, kúnbaǵys maıynyń bir lıtri 417 teńgeden, tuzdyń bir kelisi 51 teńgeden aspaýy qajet.

Áleýmettik mańyzdaǵy ónimderdiń bólshekti shekti baǵasyn kótergender úshin birinshi rette 100 aılyq eseptik kórsetkish, al, osy jaǵdaı jyl ishinde ekinshi ret qaıtalansa, 200 aılyq eseptik kórsetkish mólsherinde aıyppul belgilengen. «Covid-19» vırýsymen kúres birtutas sharalardy qamtıdy. Buǵan «Kókshetaý mıneraldy sýlary» kásiporny da óz úlesin qosýda. Ónerkásip orny antıseptık shyǵara bastady. Oblys ákimi aımaq turǵyndarynyń atynan zaýyt mamandarynyń oryndy bastamasyna alǵys bildirdi.

Aıta keteıik, tutastaı alǵanda elimiz boıynsha aımaqtardy tótenshe jaǵdaı kezinde úzdiksiz qamtamasyz etý úshin 32 mıllıard teńge qarjy bólinetin bolady. Sondaı-aq, strategııalyq mańyzǵa ıe ekonomıka sektorlaryn qajetti taýarlarmen qamtamasyz etýge baǵyttalǵan sharalar kesheni iske asyrylady.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT